الخميس  2  أكتوبر  2014
  • من نحن
  • راسلنا
  • اعلن معنا
  • ادعمنا
  • جـمـعـة الـكـنـداكــه . يـا ام ضـفـائـر قـودى الرسـن واهتفى فليـحـيا الـوطـن

    July 13, 2012  

    التحية لام ضفاير الصامدة …..
    تحية لنساء بلادي في يوم إنتفاضة الكنداكة ….

    …..13/7/2012
    أسماء الجنيد ……

    بت بلدى

    يا نوارة الشدرة الطارحه البكره …
    يا مرسومه بقندول عيش …
    ورزازة مطره …
    يا شموخ النخله وطعم الثمره …
    يا بت بلدى …
    روعة بسمة ولون السمره …
    جمال تاجوج يا اصل الفكره …
    لوزة قطنة وريحة زهرة …
    نيلك طرحه وضلك سدره …
    قوامك بانا وشك قمره …
    عيونك ضفه .. سر النظره …
    قليب اطفال بساطه وفطرة …
    شايله دلالك من الخضره …
    يقالد ديسك نخيل التمره …
    يا بت بلدى …

    رنة صوتك سحر النبره ..
    خصالك سمحه ..
    وسيرتك عطره ..
    كريمه فى دارك ..
    بشوشه وديعه ..
    وخاتيه البطره …
    سبحان الخالق رب القدره ..
    ودعتك الله وابقى عشره

    التحية لكل الكنداكات في ربوع بلادنا
    في يوم إنتفاضة الكنداكة السودانية الأصيلة

    وثورة ثورة حتى النصر

    ام ضفائر قودى الرسن واهتفي فليحى الوطن . . . انت غالية وهم رخصوك . . انت سمحه وهم وسخوك . . انت لينا وحياة أبوك

    اهتفي فليحيا الوطن

    Share

    التعليقات

    ( التعليقات الواردة تعبر عن رأي كاتبها ولا تعبر عن رأي الصحيفة)

    لا تتردد في ترك التعليق...