الخميس  18  سبتمبر  2014
  • من نحن
  • راسلنا
  • اعلن معنا
  • ادعمنا
  • صدى واسع لخبر (حريات) عن الدفعة (60) ومزيد من المعلومات عن الفساد في الشرطة

    July 30, 2011  

    (حريات)

    أثار ما نشرته (حريات) بتاريخ 15 مايو عن الفساد في الدفعة (60) بالشرطة صدى واسعاً ، خصوصاً وسط ضباط وجنود الشرطة ، وعلق على الخبر الكثيرون ، حيث وصلت تعليقاتهم (217) تعليقاً .

    ومما يؤكد الصدى الواسع للخبر والتعليقات حوله ان أحد الفاسدين من الدفعة (60) اتصل بخبراء في الكمبيوتر للبحث له عن (هاكر) لتخريب موقع (حريات) !! ونقول له ان موقع وزارة الدفاع الامريكية نفسه قابل للتخريب ، فاذا نجح مع (حريات) فليس في ذلك مأثرة أو بطولة ، ولكن تخريبه لن يستمر أكثر من أيام وتعود (حريات) مرة أخرى لمواصلة كشف الفساد .

    واللافت كذلك تعليق باسم اللواء شرطة عابدين الطاهر – مدير شرطة المرور – نافياً معلومات ذكرت عنه في احدى المداخلات ، مما يؤكد الصدى الواسع للخبر والتعليقات حوله.

    وهناك خلاصتان أساسيتان من التعليقات المنشورة ، أولهما انتشار الفساد في مفاصل الشرطة الرئيسية ، وتحمل التعليقات ثروة هائلة من المعلومات في هذا الاتجاه ، والخلاصة الثانية والأهم ، انه رغم الخراب الواسع الذي أحدثته الانقاذ بالشرطة ما زال هناك الكثير من ضباط وجنود الشرطة الشرفاء والشجعان ، الذين يستنكرون ما يجري ويكشفون في تعليقاتهم المزيد من معلومات الفساد الجاري ، وعلى هؤلاء يخضر الأمل بشرطة مهنية ونزيهة في مقبل الايام القادمات .

    (حريات تنشر أدناه أصل الخبر وبعض التعليقات حوله) :

    الدفعة (60) : من هاهنا بدأ فساد الشرطة

    May 15, 2011

    (حريات خاص )

    تشكل الدفعة (60) جامعيين بالشرطة إحدى الثمار المرة لسياسة التمكين .

    وبحسب تلك السياسة القاضية بإعادة صياغة الدولة لصالح المؤتمر الوطني ، أدخل الحزب دفعة كاملة من الاسلامويين الجامعيين – غالبهم من خريجي الهند وباكستان – أدخلهم إلى الشرطة للسيطرة عليها وتحويلها إلى شرطة حزبية . وعند تخريج تلك الدفعة قال المرحوم الزبير محمد صالح ( من هاهنا تبدأ الشرطة) ، ويعني من ها هنا تبدأ شرطة الإنقاذ !

    وفعلاً تسلمت هذه الدفعة غالبية المفاصل الرئيسية في الشرطة السودانية .

    وحطم هؤلاء الضبط والربط ، فانتماؤهم الحزبي وغض النظر عن رتبهم العسكرية جعلهم فوق قيادات الشرطة ، فطاحوا فيها وفي مواردها بلا رقيب أو حسيب .

    وبغطاء من (التمكين) (الحزبي) (مكنوا) أشخاصهم بالفساد ، وكنماذج على ذلك ، نقدم بعض ممتلكات ضباط هذه الدفعة .

    العقيد أكثم السيد السماني ، كان ضابطاً في أمن المجتمع ، ثم مسئولا في مشتروات الشرطة ، ويدير حالياً ما يسمى بوحدة ( حماية الأسرة والطفل) ، يمتلك عمارة من (6) طوابق في أركويت .

    وأما حسام الدين السيد – الشخصية الرئيسية في شركة أواب ، وهي شركة خاصة للخدمات الأمنية تابعة لقيادة الشرطة – فيمتلك عمارة من (5) طوابق بأركويت ايضاً .

    ويمتلك خالد هاشم – مدير مكتب مدير عام الشرطة سابقاً – فيلا بالطائف قرب منزل الفريق عمر الحضيري .

    وأما جمال الدين حسن محمد طه – ابن عم علي عثمان محمد طه – فتولى مكتب العلاقات البينية ، وحين ذاعت أخبار فساده صدر قرار بنقله إلى كردفان ولكنه رفض تنفيذ القرار ، فتم التراجع عن نقله وألحق بجمعية (القران الكريم) – والقران منه براء –  ثم إلى شرطة المرور ، حيث أحد مراتع الفساد . له عمارتان ، واحدة في الأزهري ، وأخرى في كافوري ، التي انتقل للسكن بها قبل حوالي شهرين ، في مناخات اقرب إلى مناخات ( ألف ليلة وليلة) .

    وأما محي الدين برير فانتدب لتأمين البترول وعمل في بترودار حوالي (12) سنة ، وتحصل مع آخرين على ضمان اجتماعي بمبلغ (1) مليار و(600) مليون جنيه بمتوسط (160) مليون جنيه للشخص الواحد ثم عاد إلى الشرطة وألحق بجامعة الرباط كمدير تنفيذي ، ومنح عربة (لانسر) فرفضها باعتبارها لا تليق !  ويستخدم حالياً عربة (برادو) يتجاوز سعرها الـ (150) مليون جنيه !

    وبينما ينعم ضباط الدفعة (60) بعماراتهم في الطائف وأركويت وكافوري ، وعربات البرادو ، رغم أنهم التحقوا بالشرطة في منتصف التسعينات ، في المقابل فان ضباط الشرطة الشرفاء ، ومنهم من هم أقدم بسنوات ، لا يجدون منازل للإيجار في أم بدة والصحافات ، ولا تكفي مرتباتهم إقامة أود أسرهم .

    ويقدم نموذج (التمكين) في الشرطة عينة تمثيلية للتمكين في المهن الأخرى ، حيث انتهى في جميع الحالات إلى (تمكين) فساد الأشخاص . والسبب في ذلك ، انه حين تنعدم الشفافية والرقابة والمساءلة ، كنتيجة لمصادرة الديمقراطية وحقوق الإنسان ، يتحول الفساد إلى نظام شامل ، يعيد صياغة الأفراد على صورته ، فيفسدون بغض النظر عن ادعاءاتهم ورغباتهم . وفي مثل هذا الفساد الشامل ، فان مكافحة الفساد مجهود عبثي ، لأن المناخ يفرخ عشرات المفسدين في مقابل أي مفسد يتم القبض عليه .

    تعليقات :

    Mezzo :

    انتو ياجماعة شوفوا الكلام العجيب دا لواء شرطة (سودانى هولندى لبنانى) اللواء طارق عبيد مدنى يحمل جنسية هولندية وجواز هولندى وبسافر خارج البلاد (هولندا وبعض الدول الاوربية) دون علم رئاسة الشرطة وللتأكد يمكن الرجوع الى وحدة الجوازات الوصول والمغادرة عليكم الله فى فوضى اكثر من كدا اللواء دا عمرة فى الشرطة 6 اعوام تم تعيينه فى عام 2005 و يمتلك السيد اللواء طارق عبيد فيلا فى الياسمين وشقة فى العمارات ش 53 فى برج السيد الفريق عثمان ابراهيم ويسكن فيها حاليا وعمارة فى كافورى لوالديه وقطعة ارض فى المجاهدين ومبلغ محترم فى حساب فى احد البنوك الاوربية وماخفى اعظم يعنى الزول دا لوكان ادرج فى الرتبة من ملازم الى لواء كان حيكون السودان كلوا ملكه , قام بتعيين جلال سيداحمد عبيد وهو اخ الفريق شرطة عادل سيداحمد عبيد مستشارا للمشاريع التقنية بوزارة الداخلية والمرور بدون شهادات (انا ماعارف الوزير فى الصورة ولا خارج الشبكة وياريت اكون خارج الشبكة لانو لو فى الصورة دى تبقى كارثة كبيرة جدا) ويتقاضى مرتب 10 مليون من وزارة الداخلية والمرور وعربة شرطة وليست له علاقة بتقنية المعلومات لا من قريب او بعيد وكل القصة انو اخ الفريق عادل سيداحمد قام بتعيينه بالشركة الكونية مديرا خدمة اخ لاخاه الاصغر (عن طريق حسن عبدالله صاحب شركة سولر مان) وجلال دا فى الاصل صاحب كمائن للطوب الاحمر ومصنع للطوب الحرارى وسمسار برامج ولديه صفقات مشبوهة مع اللواء طارق عبيد (صفقة الاشارات الضوئية بولاية الجزيرة وولاية شمال كردفان تحت ستار شركة كانترى للحلول الرقمية ) عليكم الله فى فساد اكبر من كدا

    مراقب :

    لماذا لم تذكروا راس الفساد وزعيم العصابة مجدى شريف اليس هو من بدد اموال عامة فى مشاريع فاشلة كبرامج المرور التى تجعل اى شرطى فى مكاتب الترخيص يلعن كوشاييت (شركة مجدى وهى شركة تابعة للشرطة سيمتها الاساسيه الفشل ) واسالوه عن طباعة الاستيكر وكم من المال صرف حتى الان ولم يعمل ولا تنسوا السجل المدنى والجواز الالكترونى والسفر ما بين المانيا وباكستان وكم من الملايين صرفت حتى الان ولم ينجح اى من هذه المشاريع بالمناسبة ياوزير الداخليه (وهو ارترى) كم صرف هذا المجدى على السفر 100 الف يورو ام 200 الف ام مليون يورو بالمناسبة هذا المدير يكلف الخزينة العامة اكثر من 20 الف دولار شهريا واسالوه كم عربه تخدمه لماذا يستغل كوشاييت وموظفيها حتى فى مناسباته الخاصة بمنزله هل تدرون لم هذا الرجل لايمكن مسألته الامر ببساطه شديدة كالاتى :

    1. هو الاخ الاصغر للشهيد محمود شريف

    2. صهر البروف الزبير والى الجزيرة الوزير السابق للداخليه

    3. صديق مقرب جدا من اسرة البروف ابراهيم احمد عمر

    وكذلك يشغل احد اقرباء البروف فى منصب محترم

    ابو محمد :

    هاكم الخبر التالي :

    عقيد اسمه الفاضل عبدالوهاب العوض في مكتب وزير الداخلية منذ تخرجه من كلية الشرطة لم يعمل الأ في مكتبين فقط (مكتب مدير عام الشرطة ومكتب الوزير فقط ) يمتلك الآتي :

    ١/ فيلا بالمنشية

    ٢/ قصر بداخل مزرعة في حناني بودمدني

    ٣/ عمارة من اربعة طوابق في أرمنية

    وماخفي اعظم ( علماً بان هذا الفاسد لم يدخل الأكاديمية مع دفعته التي أوشكت ان تدخل الترقي لرتبة العميد وسوف يترقى قبل المخلصين من دفعته !!!!!!!

    نواصل المسلسل .

    ابو مريم :

    وبعدين يا جماعة ما تكونو حاسدين وحاقدين

    سيدنا عثمان جهز جيش كامل بي مالو الخاص

    يعني ممكن يكون في واحد مسلم ومؤمن وعندو مليارات والله يرزق من يشاء بغير حساب

    بعدين اللواء دكتور مهندس طارق عبيد عندو جواز هولندي من وين جبتو المعلومة

    وحتي لو كانت صحيحة

    شنو يعني جوازو هولندي

    ومعروف ان الدول الاوربية بتدو اي مقيم لمده 5 سنوات فيها جواز

    والراجل انا اعرفه منذ ان استعان به السيد الزبير بشير طه

    ذلك الرجل الزاهد المجاهد العفيف

    استعان به وجاء به من هولندا كإضافة للبلد وللطرق وللمرور

    واضاف اضافات حقيقية في هذا المجال

    طارق عبيد رجل مهندس وله دكتوراة من ارقي الجامعات الاوربية في هندسة الطرق

    ممكن توروني الخبرا في اي دولة خارجية بيدوهم كم؟؟؟

    يبقي لمن نجيب خبير وطني من الخارج ليطور البلد الناس تتهمو زور وبهتان؟؟؟

    لو قعد في السعودية ولا الامارات كان حياخد 50 ضعف البيدوهو ليهو ناس الشرطة

    يبقي الناس تكون منصفة وحقانية وما تبخس الناس اشيائهم .

    كجنقل :

    الفساد خشم بيوت .. منه ما يرى بالعين المجرده ومنه ما لا يري حتى بأعتى وأضخم (التلسكوبات).. منه ما يكون فردياً ومنه ما تقوم به مجموعة (فساد جماعي) ، منه ما لا يأخذ إرتكابه زمناً ولا تظهر نتائجه (كومشن ودخل البنك أها تانى شنو؟) ومنه ما تظهر نتائجه ولو علي المدى البعيد.

    اولا يا ابومريم عشان اوريك انت متملق ومتسلق ومنتفع ومنتفع دى تحتها خطين اولا ماتقارن سيدنا عثمان بى طارق عبيد بعدين طارق عبيد ماودالبرير ولا ودالنفيدى عشان يكون عنده المليارات دى كلها وبعدين ماكان عندو قروش لما استعان بهو الزبير بشير طه ذى ماقلت ثانيا كيف يعنى شنو جواز هولندى كيف ضابط شرطة ناهيك عن هو لواء شرطة يسافر خارج البلاد دون علم رئاسة الشرطة ثالثا قلت السيد الزبير بشير طه الرجل الزاهد (مافى كلام طبعا فى البروفسير الزبير بشير طه) اسنعان بيهو كإضافة للبلد فى الطرق والمرور والله ماشايفين ليه اى اضافات وكل الشغل البحصل فى الطرق من اجتهادات وزارة الطرق والجسور والاداره العامه للمرور معترفه بالكلام دا فى كل المحافل الصحفية بقولوا ناس الطرق والجسور مغيبين المرور تماما يعنى خلا شغل المرور وعامل فيها خبير انظمة حاسوب رابعا قلت الخبراء فى الدول الخارجية بدوهم كم انت عارف نثرية طارق عبيد فى الداخلية والمرور كم اكثر من …………………. ونثرية دى عارفة يعنى شنو (سكر+شاى +والذى منه +…….) وانت عارف بصرف حوافز كم فى الشهر …………………….. وانت عارف الكميشنات البطلع بيها كم …………………( الكمشن بتاع ال………….. ابو 200 الف دولار معاهو المستشار بتاع …… الاحمر ابو عشرة مليون المستشار البصرف عشرة اضعاف بروفسير بجامعة الخرطوم ) عارف يا ابومريم البصرفوا طارق عبيد دا هيلرى كلينتون مابتصرفه دى اشياء طارق عبيد القلت بنبخس فيها والبلد فعلا دايرة زول يطورها مادايره زول ياكل حقها يعنى ماناقصة فساد واكل , والقروش الماكلنها الكثيرة دى كلها للاسف بدفع فيها المواطن المسكين بعدين المال الحرام دا بظهر فى الدنيا قبل الاخرة (يعنى سكرى وضغط دا لوماظهر فى اولادك وكدة )

    كسرة : يا سيد ابومريم كلامك القلت بدافع بيه عن الفريق عادل العاجب كل الشرطة وكل الشعب السودانى بعرف منو عادل العاجب يعنى مامحتاج لي دفاعك بعدين دا فريق شرطة ضابط شرطة بمعنى الكلمة يعنى جابها بى حقه من ملازم الى ان وصل فريق (نتمنى ان تصبح كل الشرطة عادل العاجب ) (مازول بين ليلة وضحاها بقى لواء بى بدلة وكرفتة وراكب دورية )

    والكلام الاتقال عن الفريق عمر ما من فراغ واسال ناس مكتبو ما تسال العقيد خالد اسال العساكر قول ليهم نثريه الفريق كم وبيديكم حافز كم.

    كسرة اخيرة : اللى يدوق الحرام ياكل ما يشبعش (ومافى دخااااااااااااااااااااااااااااااااااان من غير ناااااااااااااااااااااااااااااااار)

    شاهد عيان :

    انا فى هذا المنبر لا يعنينى الا ان اوضح بعض الذى التبس عليكم بلغة دفتر الاحوال واليومية المشكلة ليست فى من ذكرتم من الاسماء والشخصيات والفتات من هوامش الكسب والربح الرخيص والتصرف الدنيئ فى الامانات والمال العام ابتداء من هرم السلطة الى اصغر جندى فى الانحطاط العميق فى الرشوة والابتزاز والتهديد والتملك الجنائى واستخراج الكابل للهاربين من القانون و ولتحديد المسئوليات لكل على حدة دعونا نطوف حول هرم الفساد داخل وزارة الداخلية والذى يشمل الممارسات القذرة وكشف المستور من المافيا التى تتحكم فى المال والعمل الادارى وتحريف الادلة الجنائة وتعديل الافادات وشهادة الزور والفساد الادارى والمالى وتمليك الادلة الدامغة لممارسات بعض من هم بالخدمة ومن انتهت خدمتهم ومن هم بالمشاهرة بالتاريخ والجهة واليوم والقيمة والصور والمستندات لمجموعة من القضايا بمختلف الادارات :

     ملف الايراد اليومى للوزراة من كافة نوافذ الخدمات ( الربط والمتحصل والحافذ والتسيير )!!

     ملف لجنة المشتريات (حقيقة العقيد اكثم السمانى واللواء محجوب ساتى )!!

     ملف محمد نجيب وولاية الخرطوم وقصة ( ال6 مليون دولار وموضوع التترا)!!

     ملف انتاج شركة المتسوبيشى من العربات وشرطة النجدة تحطم 50 عربة فى 7 اشهر والعميد عادل بشاير

     ملف محمد عبدالمجيد والذبح العالمى عفو المسبح العالمى

     ملف محجوب حسن سعد والفساد المطلق

     ملف محمد حسن ادريس والبغاء المعبأ فى الكاكى

     ملف محمد عبدالرزاق وشرطة الجزيرة

     ملف الفاتح شبو ومشتريات الولاية

     ملف شركة كوش والسمسرة المستمرة

     ملف الشرطة السودانية والشرطة التركية من استفاد من من ؟؟

     ملف هاشم عثمان ما يعرفه عن من حوله ولا يستطيع انكاره او تصديقه او تغيره ؟؟

     ملف الرباط وفساد الداخل ؟؟

     حتى نلتقى سؤال اليوم

     102 مليون جنيه هى رسوم تدفعها جهات خاصة لبعض اقسام الشرطة فى ولاية الخرطوم مقابل حراسة خاصة ( شركة هدف داخل البوليس ) اين يذهب المال وكيف يصرف ؟؟؟!!!

    Sudanya :

    خالد عبدالمنعم (النقيب خلفان) سابقا وتاني طيش دفعتو ومعاهو علاءالدين وابوبكر يترقوا لي رتبة العقيد ويتخطوا ضباط اقدم وأكفأ منهم… في فساد أكتر من كدى؟؟؟؟

    نتمنى من رئاسة الشرطة توضيح ملابسات كشوفات الترقية الأخيرة؟؟ وعلى أي أسس بنيت؟؟؟

    الدفعة 60 وما أدراك ما الدفعة 60

    بها جميع الأشكال والألوان بها الصالح والطالح ككل الدفعات الأخرى

    منهم المقدم (م) أسامة كبوش الذي احيل للصالح العام لأسباب تخص المنتفع المحب للشهرة الإعلامية عابدين الطاهر.

    ومنهم آخرين كثر من أولياء الكيزان.. ألا لعنة الله على المنافقين!!!

    hadi ahmed :

    رائد شرطة يدعى محمد جقود يعمل فى احدى دوائر الشرطه الماليه يمتلك شقتين بالخرطوم بحرى واخرى بالشجره ومنزل بالفبحاء. والله على ما اقول شهيد.

    كجنقل :

    بعد ماكتب فى موقع حريات عن طارق عبيد وجلال بتاع الطوب وعن عربة الشرطة التى يقودها قام بشراء عربة برادو موديل 2007 والله الاختشوا ماتوا مشكلت البلد دى مافيها من اين لك هذا (كلها من اموال المرور ابتداءً من شركة الكونية وحكاية ال70الف دولار النام بيها السيد الحرامى الكبير ) والكمشن بتاع داتانت وحكاية 200 الف دولار بتاعت برنامج المرور الجديد والنسخة الاحتياطية لكل معلومات المرور الموجودة فى مصر وحكاية احمد عز وابراهيم المصرى وحكاية مكتب الرياض شارع الجزار ياجماعة دى ماقضية فساد بس دى قضية امن قومى .

    وقصة الملازم اول شرطة معاش/مدنى عبيد مدنى اخ اللواء طارق عبيد الذى احيل للصالح العام بتهمة الفساد (ضبط بى كمين عدييييييييييييييييييييل) وقصة الشراكة فى استييييييييييييييييلا

    اذا كان رب البيت بالدف ضاربا …. فما شيمة اهل البيت الا الرقص و الطربُ

    مناصر ميزو :

    انتو ما سمعتو بى برنامج المرور الجديد البى 200الف دولار؟ و كمان داخل فيهو السيد اللواء عابدين الطاهر مدير عام المرور و المرشح الى مدير عام الشرطه او مساعد مدير و الجا من المباحث بى مشكله بتاعت جريمة قتل.

    كان فى مشكلة فى احد سيرفرات شركة كوشايت والمشكلة ماعرفوا ليها حل قام السيد المستشار (مستشار المشاريع التقنية بوزارة الداخلية والادارة العامة للمرور جلال الدين سيداحمد عبيد فى الوقت داك كان شغال فى كوشايت قال فى زول عامل عمل فى السيرفر ورفع السيرفر فى العربية ومعاهو المهندس خالد مدير قاعدة بيانات المرور الجديد ومشى بيهو لى شيخ فى مدنى معنى الكلام دا انو الداخلية والمرور ما محتاجين لى مستشار محتاجين لى فكى وياريت يكون شيخ الهادى .

    كجنقل :

    كان فى مشكلة فى احد سيرفرات شركة كوشايت والمشكلة ماعرفوا ليها حل قام السيد المستشار (مستشار المشاريع التقنية بوزارة الداخلية والادارة العامة للمرور جلال الدين سيداحمد عبيد فى الوقت داك كان شغال فى كوشايت قال فى زول عامل عمل فى السيرفر ورفع السيرفر فى العربية ومعاهو المهندس خالد مدير قاعدة بيانات المرور الجديد ومشى بيهو لى شيخ فى مدنى معنى الكلام دا انو الداخلية والمرور ما محتاجين لى مستشار محتاجين لى فكى وياريت يكون شيخ الهادى .

    اللواء عابدين الطاهر :

    معقول يكون في سودانيين بالمستوي دة من الإسفاف وتناول أحوال الناس من دون تأكد من صحة المعلومات بعض اللذين كتبوا لا يعرفون عابدين الطاهر وكتبوا حسب هواهم وما تمليه لهم شىاطينهم نصحني كثيرون اللا ارد ولكن كان لا بد ان اكتب هذه الكلمات لأخرص بها السن اللذين رمونا بهتانا وظلما وقالوا ان برنامج المرور الجديد استلمت فيه مائة مليون جنيه ثم تحدث آخرون بان لي أموال بالبنوك وان الرئيس وزوجته يشكلون لي حماية وان لي قصرا بالكباشي اولا احمد الله بأنني سليل اسرة تخاف الله والرسول وتربينا تربية دينية قبل مجيئ الانقاذ فلا نحتاج ان ننافق الانقاذ اما ان اكون لي املاك سواء في الكباشي او في غيرها او ان تكون لي أموال في اي من البنوك فهذه مستندات تتطلب الإثبات ان كانت فيها شبهة ولا حرج ان أتعامل مع البنوك باي صورة من الصور طالما كان الامر عاديا ان اللذين بهتونى لن اعفي لهم ما جاؤوا به ولقاؤنا يوم الموقف العظيم ىوم لا ينفع مال ولا بنون الا من أتي الله بقلب سليم اما لمن لا اعرف اللوا عابدين الطاهر فأقول له الحمدلله أنا من ابناء السودان عفيف نظىف ولا أخشي في الحق لومة لائم وسأظل افتخر بأنني انتمي لجهاز الشرطة اليد الأمينة والعين الساهرة ولن التفت وكذلك زملائي للمخزلين واللذين في قلوبهم مرض وادعو الله ان يهد اللذين جاؤوا بهذه الفرية في حقي سواء السبيل وان يتذكروا ان هنالك موت وقبر وسؤال حيث لا تنفع الندامة فهلا اتعظتم أيها الغافلون

    الاصلاحى :

    الرايد فيصل القراي وزيرالدوله للداخليه السابق العاص خاله وهو من دار جعل طلب تفريغ لعمل ماجستير واعطي التفريغ لمدة 4 سنوات واعطى كذلك مبلغ 20 مليون بالقديم من الداخليه كرسوم للدراسة فهذا الفاسد لم يدرس او يحضر وذهب واشتغل مع الفريق عثمان ابراهيم صاحب الابراج العالية التى ورثها من اجداده واسم هذا الضابط مكتوب على اللافتة المعلقه ببرج الغابه المملوك لهذا الفريق وبعد قضاء الاربعة سنوات الدراسة فى العمل مع هذا الفريق رجع الى الوزارة وتم ترقيته كل ذلك لان العاص خاله والمدير من دارجعل والعلاقة الخاصة التى انشاها مع الفريق عثمان صاحب المدير هكذا تدار الدولة بالمحسوبية والصحبة فعليك ياوطنى السلام

    احمد السيد حسن :

    البوليس دا ماخاربو الا العقيد المدعو خالد عبدالمنعم المحمى بالنتظيم وهو البنقل وبعين وبسيوى فى البوليس دا اى حاجه دايرا وما بهمو لامديرو ولا حتى مدير الشرطه ذاتو كدى اسألو عن نقيب اسمو هشام وعلاقاتو المشبوه معاهو ودكاكين الكنيسه وارض فى كافورى للعقيد خالد وعربيه توسكان مقرشا وبرضو خالد المتحكم فى السفارات وكيف ودا الرائد خالد عبدالرازق المامستحق اصلا وعديد التجاوزات مواصل مسلسل الارهاب للضباط فى كل الرتب  .

    ود الزومة الشايقي :

    الشرطة السودانية فيهاالفساد وانا حاوريكم الضباط الما عوزين يتنقلو منر المرور لحدي الان وليهم اكثر من 10 سنين قاعدين والضباط الشرفاء بنقلوهم في سنتين بس اولاْ فيها المقدم جمال الصقري الموجود حالياً في المرور والعندو اخوه في مكتب الوزير وما داير يطلع من المرور ابداً لانو فيه مرتع للفساد وحاليا في الجزيرة وداير اقول انو لو جا ضابط من المرور مثلاً ضابط كبير هاك يا ظروف وهاك يا فلوس من اين له كل هذا المال الذي يهديه لضابط الشرطة الزائرين هذه اموال المساكين الغلابة اهل الجزيرة وثانيا الرائد شرطة فائز احمد المكي دا كمان هاك يا ظروف لوزارة مليانة قروش وجاتك يا داخلية كسرة التلج البخليهو قاعد في المرور وثاللث العقيد شرطةسهام دي طبعاً راجلا مدير الشئون المالية البهبشه منو ويا المرور والرائد شرطة عماد عريان انشاء الله عريان دايماً من الحق والفضيلة ديل كلهم مرتع للفساد داخل المرور ويا مسئول الشرطة شوف ليك صرف عليك الله انصف الضباط الشرفاء والقاعدين ليهم سنين وسنين ديل بدفعو لي منو رشاوي عشان يقعدو في المرور وداير اذكرك قال رسول الله صلي الله عليه وسلم (كل لحم نبت من سحت فالنار اولي به )

    فاعل خير :

    ظهر الفساد ايضا في ادارة السجون ظهر كشف تنقلات بتاريخ يوم 20/7 كشف البقا لمن يدفع للمدير يقال عليه كشف دافعي الجزية والاتوات واكراميات من مال الشعب تم توزيع الضباط حسب رغبة المدير والموقع الذي يمكن ان يستفيد منه الضابط والمدير ضاربا بالكفاة والامانه عرض الحائط اذ شمل الكشف المقربين والمغضوب عليهم . المكرمين تم نقلهم المواقع التي تدفع منها الجزية الشهرية ونصف شهرية . امثال من نقلوا بورسودان العمومي وبورسودان المحلي برغم من ان احدهم صدر في حقه تقرير من الداخلية قسم التفتيش الذي يتبع لنائب المدير العام ضعيفا اداريا لكنه يمكنه دفع الجزية نقل بايعاز من رتبة قيادية كانت هناك حتي تضمن نصيبها من الجزية والاكراميات وامثال القضارف . وتم ابفاء بعض الضباط الفاسدين ماليا ببعض الولايات المنتجة زراعيا.وتم نقل الشرفاء من بعض المواقع وتم ترك بعض بولايات وقضوا بها سنوات لنهم من دافعي الجزية من تلك الولايات . وامثالهم برئاسة الادارة لانهم يعملون علي ترضية المدير في لجان المشتروات ولهم سنين لم ينقلوا منها.الفئة الغير راضيين منها في كل كشف تنقل منهم من قضي سنة ومنهم اقل . زائد التخبط العشوائي في الادارة حيث اصدر المدير كشف لادارة سجن شالا. ولا يعلم اين عمل ضباطه لعدم الشوري نجده ينقل الضباط وهو لايعلم اين عملوا من قبل الي المواقع الاخري . الابقاءعلي عدد 4 عمداء في الولاية الوسطي سابقابعضهم من دافعي الجزية .والحوجه لهم في كردفان ودارفور عدد سجون ولاية واحدة تعادل سجون الولاية الوسطي . هل تصدق صديقي هولاء هم القيادات هدفهم جمع المال وليس مصلحة العمل .اخي الوزير والمدير العام عليكم الله اسالو مدير السجون عن عدد ضباطه و المواقع التي عملو بها للوقوف على حركة الضباط من تاريخ التخرج وحتى اليوم.

    طارق الوسيلة :

    وهذا الموضوع منقول من صحيفة الوطن اليومية

    أولاً : إتهام خطير للغاية طعنت به وزارة المالية والإقتصاد الوطني «قلب» الشرطة السودانية وتركته ينزف دماً صافي الإحمرار..

    عندما قالت وعلى لسان مدير ديوان حساباتها محمد رحمة الله بأن الشرطة تواصل إرتطامها للمخالفات المالية ـ لعدم استخدامها لأورنيك «مالي 15 إيرادات» وهو الأورنيك الوحيد المعتمد قانوناً لدى وزارة المالية والإقتصاد الوطني والتي لها الولاية الكاملة على المال العام وفقاً للدستور والقانون.

    لكن وزارة المالية قالت بإن شرطة السودان لا زالت تواصل خرقها للقانون واللوائح المالية.

    وأشارت بأن أي أموال تحصل خارج الأورنيك المالي «المعتمد» قانوناً ودستوراً هو مال مشكوك فيه ولا يورد لخزينة الدولة أصلاً .. أو كما قال الإتهام الموجه لجهاز شرطة السودان وخطورة الإتهام يكمن في خطورته ـ بأن جهاز الشرطة هو الذي يحمي القانون وحامي حمى القانون ويحمي الناس من أي منتهك وإذا لحقوقه كان حامي حمى القانون هو الذي يكسر القانون إذن لا داعي لإحترام القانون من أصله ولا داعي لتنفيذه من «أساسو» كما لا داعي أصلاً لإنشاء مفوضية لمحاربة الفساد نهائياً..

    وهذا ما نطق به السيد رئيس الجمهورية القائد الأعلى لقوات الشرطة السودانية.. عندما قال إن من أخطر أنواع الفساد على الإطلاق ذاك الفساد المحمي بالقوة.. وقوات الشرطة الخارقة للقانون تملك القوة وهذا معلوم بالضرورة..

    أقول هذا وقد أًصدر السيد وزير الداخلية قراراً بسحب جميع الإيصالات من رجال الشرطة ـ المعني هنا شرطة المرور تحديداً وناشد المواطنين أصحاب العربات على وجه التحديد والدقة بعدم دفع أية غرامات في الشارع العام.. إلا داخل قسم الشرطة وبواسطة ضابط.. بالطبع الغرامة تحصل بواسطة أورنيك «51 مالي» إذ لا يوجد أصلاً حسب القرار هذه الإيصالات غير القانونية بطرف ضباط وجنود شرطة المرور..

    القرار واضح بـ«سحب» أي إبادة هذه الدفاتر وحرقها كما تحرق الخمور المستوردة وقناديل «البنقو» المضبوطة.. ويتم الإعلان عن ذلك.. أعقبه قرار سياسي داعم لقرار وزير الداخلية

    الدكتور عبد الرحمن أحمد الخضر.. والي ولاية الخرطوم أصدر قراراً يحمل نفس معنى ومضمون قرار السيد وزير الداخلية ـ في عمومه سحب الإيصالات من جميع رجالات شرطة المرور…

    «طيب» من هو المعني بتنفيذ هذا القرار ووصفه موضع التنفيذ؟!!

    هو مدير الإدارة العامة لشرطة المرور بواسطة مدير عام قوات الشرطة..

    وهكذا يتسلسل القرار وينزل وينفذ.. بمعنى محدد اللواء شرطة/ عابدين الطاهر هو المسؤول الأول والأخير ـ بتنفيذ مضمون هذا القرار بالطرق المعروفة ـ لتعميمه على كل الإدارات والأقسام التابعة له.. ولا داعي لمتابعته كما القرارات السياسية.. والشرطة قوة نظاميه أهمها «الإنضباط».. هكذا يجب أن ينفذ القرار ويأخذ قوته.. ولكن هل نفذ هذا القرار بالفعل..؟

    - الإجابة لم ينفذ هذا القرار بالفعل..

    إذ… لا زالت شرطة المرور منتشرة وعلى نطاق واسع وتوقف العربات وتطاردها أحياناً لتحصل على الغرامات بذات الإيصالات والتي أصدر وزير الداخلية بسحبها..

    طيب من أين أتت هذه الإيصالات المسحوبة؟

    سؤال موجه لمدير عام قوات شرطة المرور!؟

    وهاكم الدليل..

    الخميس بتاريخ 14 أبريل ـ الساعة 8:33 ـ بشارع الصحافة ظلط ـ في الركن الشمالي الغربي لميناء الخرطوم البري

    عربة شرطة بداخلها ملازم أول وملازم …. وجنودهم منتشرين على طول الطريق..

    يتحصل الضابطان الغرامة بنفس الإيصالات التي أمر وزير الداخلية ووالي ولاية الخرطوم بسحبها من جميع رجال شرطة المرور!!؟

    «برضو»

    بتاريخ 26/4/2011م «الثلاثاء» الساعة 5:9 صباحاً شرق جامعة أفريقيا العالمية مباشرة ـ عربة شرطة المرور بالرقم « 321110» لانسر بيضاء ـ موديل 2008م تقريباً بداخلها ضابط برتبة النقيب وجنوده منتشرين على طول الطريق..

    يتحصل الضابط الغرامة بنفس الإيصالات التي أمر وزير الداخلية ووالي ولاية الخرطوم بسحبها من جميع رجال شرطة المرور!!؟

    «برضو»

    بتاريخ 26/4/2011م ـ الثلاثاء 9:32 صباحاً – مدخل شارع الجامعة من الناحية الشرقية بالطبع.. كبري «القوات المسلحة»

    ملازم يمتطي موتر ـ بالرقم5373 فجأة يهبط ويقفل الشارع تماماً ـ وينزل ـ وبشنطة مليئة بهذه الإيصالات مثبتة في مؤخرة «الموتر» والتي أمر وزير الداخلية ووالي ولاية الخرطوم بسحبها من جميع رجالات الشرطة.

    يتناول الملازم دفتر ـ منها .. وبصورة خاطفة يغرم عدداً من أصحاب السيارات ويمتطي الموتر ويغادر بسرعة «رادفاً» خلفه جندي..

    وبنفس الإيصالات والتي أمر وزير الداخلية ووالي ولاية الخرطوم بسحبها من جميع رجالات شرطة المرور..

    وقبلها وفي هذا المنبر «صحيفة الوطن» حددت موقعين من حيث الزمان والمكان وكتب الكثير من الصحف وتناولها كتاب الأعمدة ـ رجالات الشرطة يتحصلون مبالغ بنفس الإيصالات التي أمر بسحبها وزير الداخلية ووالي ولاية الخرطوم من جميع رجالات شرطة المرور..

    طيب الآن ولكي لا نوسع الدائرة نحصرها وجوباً

    تحديداً المسؤول الأول عن تنفيذ قرار وزير الداخلية المهندس ابراهيم محمود والدكتور عبد الرحمن الخضر والي ولاية الخرطوم هي سعادة اللواء شرطة عابدين الطاهر مدير عام قوات شرطة المرور.. وهذا معلوم بالضرورة السؤال المحدد

    هل سعادة اللواء شرطة عابدين الطاهر مدير عام قوات شرطة المرور .. على علم بأن ضباطه وجنوده منتشرين على نقاط واسع بولاية الخرطوم تحديداً يتحصلون على هذه الغرامات والتي صدر قرار وزاري بسحبها؟

    وإذا كان يعلم هذه مصيبة كبيرة يجب عندها التوقف كثيراً وإذا كان سعادة اللواء شرطة/ عابدين الطاهر مدير عام قوات شرطة المرور لا يعلم ذلك… هنا تكون الخطورة أكبر والمصيبة أعظم يجب التوقف عندها كثيراً جداً

    كسرة أخيرة:

    الفساد هو من أهم العوامل في إسقاط الحكومات «تونس ـ مصر» نموذج..

    «ليبيا ـ اليمن» وغيرها على الطريق..

    الحكومات أصبحت تتساقط كأوراق الخريف الواحدة تلو الأخرى.. وبصورة مهينة للغاية ومُذلة..

    الحكومات في السابق تسقط بواسطة الإنقلابات العسكرية بدعم من الأحزاب السياسية المعارضة في الغالب أو المقبولة الآن الحكومات تسقطها شعوبها..

    الحكومات في السابق تسقط بواسطة المنشورات والكتابات الناهضة على الحيطان..

    «الآن الفيس بوك» ولاعبين جدد هم الشباب والمغبونين من فساد الآخرين المصري «العدلى»..

    أين رصيفك وزير الداخلية يا باشمهندس ابراهيم محمود وزير الداخلية..؟

    أين محافظ القاهرة يا والي الخرطوم الدكتور عبدالرحمن الخضر والي ولاية الخرطوم؟

    بل أين أمين الحزب الحاكم في مصر ـ يا دكتور عبد الرحمن الخضر ـ أمين حزب المؤتمر الوطني- الحزب الحاكم ـ بولاية الخرطوم؟

    في انتفاضة مصر الشبابية ـ الشرطة لم تصمد أكثر من ساعة واحدة..

    وأخيراً أتركوا الناس تعيش من بعضها البعض وليس على حساب بعضها البعض..

    دعونا من الغباء والجهل فانتم المنتفعين المنتفخين المدافعين عن الباطل وشذذ الافاق عليكم التاكد من صحة هذا المقال

    أللهم قد بلغت فأشهد

    لقراءة المزيد من تعليقات القراء :

    http://www.hurriyatsudan.com/?p=23213

    Share

    التعليقات

    ( التعليقات الواردة تعبر عن رأي كاتبها ولا تعبر عن رأي الصحيفة)

    37 تعليق على “صدى واسع لخبر (حريات) عن الدفعة (60) ومزيد من المعلومات عن الفساد في الشرطة”

    1. khalifa nasr في July 30th, 2011 11:06 am

      الشرطى الرسالى ؟؟؟؟؟؟؟؟

    2. الشاهد في July 30th, 2011 11:39 am

      حسب الله ونعم الوكيل

    3. ابو مصطفي محمد في July 30th, 2011 12:58 pm

      ياجماعة مدير شرطة مرور كادقلي – في خلال مد قصير بيت مبني مسلح جنب الدفاع الشعبي
      وعربة و اراض وكم مر رفض تنفيذ النقلية من المسئول -كم يوم في المكتب و الباقي مع السماسر

    4. دنقلاوي حر في July 30th, 2011 1:34 pm

      الشرطة يد تسرق وعين لاترى الحق

    5. مصعب فيصل في July 30th, 2011 1:46 pm

      الشرطه بقت اجرام من البشير الي اصغر حقير … ود هدية يعين الناس الزبالة في الشرطة والامن ونحنا في الخدمة المدنية نحبو لسه ومامديننا معاهم فرقة .. محمد عطا رئيس الامن ده لو الحكومة اتقلبت خلوهو علي انا و وزير الداخلية يسكن المنشيه وقدام بيته 500 عربية و500 عاطل عن العمل قاعدين ساااكت ,,, غايتو ياناس حريات جزاكم الله خير هي السرقه بقت عاوزه صلعه السلطه والشرطه فاسدين من ود حاجه هديه لي غفير باب وزارة الصحه الاتحادية

    6. مصعب فيصل في July 30th, 2011 1:49 pm

      ياخي يا ود رحمة انا شغال في وزارة الصحة الاتحاديه مكتب الوكيل وكنت في التدريب كل يوم يجيني واحد متخلف اهبل من ناس الشرطه والأمن عشان يسمعوني كلام فارغ لكن يا أنا ياهم ,,,, اكره الشرطه لأنهم زبالة كلهم والعجب ناس الأمن اولاد ال…….. قرف

    7. شمالي في July 30th, 2011 2:33 pm

      بقينا من
      الشرطة في خدمة الشعب
      الى
      الشرطة في نهب الشعب

      حسبنا الله ونعم الوكيل

    8. ولد السودان في July 30th, 2011 3:19 pm

      ناس الشرطه هم افسد اجهزه الكيزان واجبنهم عشان كده هم فاقدين احترامهم من الشعب السودانى

    9. ابو احمد في July 30th, 2011 3:30 pm

      الشرطة عين ناعسة ويد لحسة اما فى ولاية جنوب دارفور نجد العقيد بشير ادم عيسى مدير مرور الولاية سابقا والان مدير شرطة محلية نيالا لديه من الممتلكات والاموال ماتفوق المليار والنصف عبارة عن عقارات 7منازل فى احياء مدينة نيالا المختلفه اثنين جوار النسيج واثنين فى حى المطار وواحد فى السد العالى وواحد فى الموظفين والاخير فى شارع الكنغو بالاضافة الى منزلين فى الخرظوم بخلاف المال السيولة والشى الموسف انه اخلاقيا غير منضبط ولديه سجل اخلاقى مشرف جدا اتحدى وزير الداخلية ومدير عام الشرطة ان ياتو بمراجعين قانونين لشرطة مرور ولاية جنوب دارفور فى الفترة مابين 2003 وحتى 2010 عشان يتم كشف حجم الاختلاص ان كان هنالك رقيب فهذا هو حال الشرطة وانا على استعداد ان اكشف الحقائق بالمستندات

    10. adroob12 في July 30th, 2011 4:26 pm

      جزم وعوليك وشماش وعملاء والله انا لاموتمر وظنى ولاشعبى

    11. مغيب الهامشى في July 30th, 2011 4:37 pm

      فى منبر أون لاين فى بوست عن دفتر الضابط المناوب كلو ضحك و قرقريبة و أمور إنصرافية يتناولها ضباط سابقون

      أتمنى أن يقوم أصحابه بنقل هذا الخبر إلى هناك و مناقشته

    12. مغيب الهامشى في July 30th, 2011 4:42 pm

      الشرطة عين ناعسة ويد لحسة اما فى ولاية جنوب دارفور نجد العقيد بشير ادم عيسى مدير مرور الولاية سابقا والان مدير شرطة محلية نيالا لديه من الممتلكات والاموال ماتفوق المليار والنصف عبارة عن عقارات 7منازل فى احياء مدينة نيالا المختلفه اثنين جوار النسيج واثنين فى حى المطار وواحد فى السد العالى وواحد فى الموظفين والاخير فى شارع الكنغو بالاضافة الى منزلين فى الخرظوم بخلاف المال السيولة والشى الموسف انه اخلاقيا غير منضبط ولديه سجل اخلاقى مشرف جدا اتحدى وزير الداخلية ومدير عام الشرطة ان ياتو بمراجعين قانونين لشرطة مرور ولاية جنوب دارفور فى الفترة مابين 2003 وحتى 2010 عشان يتم كشف حجم الاختلاص ان كان هنالك رقيب فهذا هو حال الشرطة وانا على استعداد ان اكشف الحقائق بالمستندات
      ـــــــــــ
      ده الكلام النجيض يا أبو أحمد
      أرجو منك الآتى :
      * تصوير المنازل أو القصور و إرسالها لحريات
      * إرسال نسخة من كل مستندات الفساد لحريات لنشرها
      * عدم الإكتفاء بالتركيز على فساد العقيد الحرامى فقط بل كل أعضاء المؤتمر اللاوطنى بمنطقتك

      و ليهم يوم

    13. قلب السودان النابض في July 30th, 2011 4:58 pm

      شوف عينى وماقالوا لى الضباط يرسلون الجنود للسمسرة وابتزاز المواطنين فى مكاتب الجنسية والبطاقة الشخصية واصغر جندى يشعر انه ولارئيس الشرطة يامر وينهى من طرف وحقيقة الشرطة سقطت فى نظر المواطن واصبح اى مواطن ينظر بازدراء لاى رجل شرطة واذا حصلت ليك مشكلة والشرطى يقتادك للقسم فى الطريق يقول ليك خارج نفسك يعنى بالواضح ادينى قروش واذهب لحال سبيلك تبا لكم من اين اتيتم؟

    14. أنا سوداني في July 30th, 2011 4:58 pm

      اللواء شرطة/ عابدين الطاهر لقد دافعت عن نفسك بإستماتة تحسد عليها و حق لك الإنزواء بعد قراءة المقال الذي أورده السيد / طارق الوسيلة نقلاً عن صحيفة الوطن
      فالمقال يؤكد أنَّ
      الشرطة في خدعة الشعب

    15. Anonymous في July 30th, 2011 5:59 pm

      [...] [...]

    16. التوم في July 30th, 2011 7:58 pm

      انا شايف التعليقات دي ما فيها اسم الضابط البيقولو ليه نمر . دا جاب اهله كلهم بنات و اولاد دخلهم الشرطة برطب مختلفة ولو ما مصدقين شوفو كشف المرتبات كلها نمر.عامل الشرطة زي ورثه جدهم ليكم يوم!!!

    17. من داخل اسرائيل في July 30th, 2011 9:35 pm

      واح___________د عقيد اسمو خليل نصيب الفريق محمد الحسن الكان مساعد لمدير عام قوات الشرطة زمن الفريق شرطه الحضيرى ولان يملك عماره من 6 طوابق

    18. hamidd في July 31st, 2011 12:38 am

      واتو برضو ماسألتو لي كاميرات المراقبة المرورية بتطش من الشبكة ولي بس ستة كميرات شغالة والباقية ماشغالة، ولو مغالطني عشان الاسلام ماينهار في السودان بس الواحد يشوف الكميرات ميدانيا

    19. karory في July 31st, 2011 4:59 am

      من هم رجال الشرطة المسؤلين عن ضيافة شريف نييجيريا المبسوط منهم؟ سؤال برى.كلام ياسر عرمان الزعل الشرطة. الظاهر فى قسم فى الشرطة جديد لنج ممكن تسموا لينا القسم ده يا شطار؟

    20. ابوالسر في July 31st, 2011 7:21 am

      لا حولة ولاقوةالا باللة ناس ماسكينها من قرونة وناس يحلبوا فيها بس اي زول بيكتب يتذكر الموت لو بهت الناس بالباطل

    21. مغبون في July 31st, 2011 10:14 am

      العايزيعرف الشرطه علىحقيقتها يدخل حراسة القسم الشمالى يااخوانا ديل بياكلوا من المدير الى الغفير ويدعوا انهم عندهم ضهر مثلا العقيدالوسخان ياسر الكتيابى يقول انه هو عديل الوالى عبدالرحمن الخضر ويخلى العساكر يروجوا للحكايه دى وماخفيه اعظم اما عابدين الطاهر فهى دعاية مدفوعة الاجر للصحفيين ليمجدوه واقرانه

    22. ali alkarory في July 31st, 2011 11:11 am

      الى المدعو اللواء عابدين الطاهر
      اقسم بالله ان بشرطة المرور فاسدين من جنود وضباط وانا على ما اقول شهيد انا اضطريت ان ادفع لشرطى وضابط لتجديد رخصتى بعد ان عاندونى ورفضى تجديدها وايضا دفعت لعدد من شرطى المرور اللذين اوقفونى بغير حق لانهم هددونى باخذى الى القسم ووضعى فى الزنزانة

    23. محمد رشاد سليمان الرضي في July 31st, 2011 6:12 pm

      والله دي فضائح الواحد يحزن لسماعها وحصوصا عن جهاز كنا ننتمي الية في يوما من الايام ونحمد الله اننا خارجة الان والا كنا عملنا علي ارتكاب جرائم القتل فداءللوطن اليتيم وابادة لمثل هؤلاءالخونة الكلاب

    24. ود العمدة في August 14th, 2011 9:53 pm

      اللواء عابدين لقد دافعت عن نفسك بما لا يذهب عنك واكثرت من الدعاء ولتعلم ان اكفنا مرفوعة بالدعاء ضد كل من نهب اموال السودان ومن ساعدهم في ذلك ومن بقى عين ساهرة تحميهم وتحمي فسادهم نسال الله ان يدمر كل الفاسدين ومن عاونهم يا الله يا الله لن تستطيع ان تنفي الفساد عن النظام الذي تحميه لانه ببساطة وزراء النظام بانفسهم اثبتو صحة اخبار الفساد التي عمت الدنيا وعليك بلقاء المتعافي الذي استحق لقب المتعافن مع الطاهر التوم بالنيل الازرق عندما قال انه ليس بكيشة ليجعل شركاته باسمه وطلع الشعب كلو كيشة عشان بستوزر الزيو الما كيش

      عليك بحديث وزير المالية القال انو بينهب اموال الشعب بعد كل سفرية خارجية هذا ليس بافك وكذب بل حوار صحفي مع الصحفي ضياء البلال لا تحمي الفساد ثم تاتي لتتباكى هنا يا شعادة اللواء

    25. المقاتل في September 5th, 2011 1:10 pm

      والله انه ليحزننى ان اسمع ان الشرطة الامنية فى نفسها دايرة من يراقبها .. قمة الفوضى والانحلال اللواء الفاتح عباس ينوم فى العسل … العميد / نبيل يغرد خارج السرب هو فاضى من النقليات ينقل فلان وفلتكان واصل القضية ناسينها .. اين أموال الخلافة يا هؤلاء شهريا 15 جنيه من المرتبات .. اين اموال الدعم والتراحم وفيم يصرف سيما ان بنود الصرف اصبحت واضحة فى حالتين هى وضوع وزواج فقط .. اين العقيد ابو صلعة حاتم الشريف والنورانى من التمامات التى ارهقت كاهل الافراد وزارة الداخلية تمامها الصباحى فى الساعة سبعه ونص .. الامنية لا وحدة ايرادية ولا علاقة لها بالجمهور تمامها فى الساعة السابعة صباحا وفى الرمضان كان السابعة والثلث حرااااااااااااام والله البيحصل فى الامنية والله واحد ملازم اول اسمو الحبوب مكره الناس العافية عمرو فى الشرطة لم يتعدى الاربع اعوام .. اسالوهو بتجيب الكلام البتعمل فيهو دا من وين؟؟؟؟
      حرام والله ربنا بيسألكم اتقوا الله فى افراد الامنية الفساد بعينه الناس صرفو منحة العيد 75 جنيه وفى الامنية صرفوا للناس 43 جنيه عليك الله دا ما استهبال وشينة فى حق الفاتح عباس حرام والله البيحصل دا فى الامنية
      نرفع اكفنا بالدعاء اللهم اقطع الفساد من الشرطة اللهم بدد شملهم اللهم افقرهم اللهم عليك بهم يا رب
      ولا حول ولا قوة الا بالله

    26. ابكر يعقوب كافي في October 5th, 2011 6:20 am

      والله انه ليحزننى ان اسمع ان الشرطة الامنية فى نفسها دايرة من يراقبها .. قمة الفوضى والانحلال اللواء الفاتح عباس ينوم فى العسل … العميد / نبيل يغرد خارج السرب هو فاضى من النقليات ينقل فلان امس اسمع انو في ضابط في رتبة رائد اسمو خالد العبيد قم في التمام الصابحي والطابور وقف بي الزي العسكري قام بي خنق عسكري من رقبتو وقام جارهي امام الطابور هذا التصرف غير حميد اويلق بي ضابط مسؤل وين رواح القيادة ولكن هو ما ملام لنو مافي زول بحسبو والله يكون في عنون الشرطة الامنية حاصل فيها كتير جدا والقادة ضربي طناش

    27. حسن في November 29th, 2011 6:37 am

      اولا / احى جميع رجال الشرطة الشرفاء بالسودان الحبيب ونحن نقول لكل الذين علقوا عن بعض الضباط لا تظلموا الناس والله امة محمد بخير وفى الشرطة الرجال الاوفياء المخلصين واحى عبركم اللواء شرطة الفاتح عباس بالشرطة الامنية ذلك الرجل الكف ذو الخبرات العالية هذا الرجل نحن نفتخر به ونتمنى ان يكون فى مقدمة رئاسة شرطة السودان واللواء الفاتح عباس حسن من رجال الشرطة الاوفياء المخلصين المحبين لوطنهم ونا على يقين بان السودان سوف يتشرف به كثيرا اذا وصل لرئاسة شرطة السودان واتمنى التوفيق والسداد لهذا الرجل فى خدمة وطنه وله منى الف تحية

    28. بشير في November 30th, 2011 7:19 am

      انا اشيد بتعليق الاخ حسن وهذه فعلا هى الحقيقة : وسعادة اللواء الفاتح عباس حسن / هو ذلك الرجل الشرطى المعروف لكل اهالى ولاية نهر النيل والشمالية ومدينة عطبرة حيث اعرفه منذ ان كان برتبة ملازم فى مدينة عطبرة بادارة الجوازات والهجرة فكان ذو خبرة كافية ومتابعة لكل معاملات المواطنين بكل وطنية واهل الولاية الشمالية يعرفون سعادة اللواء الفاتح عندماكان مديرا لشرطة الولاية حيث كان متواضعا مكتبه مفتوح لاستقبال شكاوى مواطنى الولاية الشمالية بكل ابتسامة فكان يقابل الكبير والصغير ويقف على مشاكلهم بنفسه .فالحديث عن اللواء الفاتح القلم لايستطيع ان يتحدث عنه فكل ما ارجوه من سعادة وزير الداخلية بالاستفادة من خبرات اللواء الفاتح فى اداء الشرطة السودانية واتمنى ان يكون فى مقدمة رجالات الشرطة المخلصين ونتمنى ان نسمع عنه يوما ما بترقيته الى رئاسة شرطة السودان وسوف يتحدث اليكم لحظتها الواقع بنفسه وكما لا انسى ان احى جميع رجالات الشرطة بسوداننا الحبيب وبالاخص مدير شرطة السودان ونائبه ولكل الضباط الاحرار

    29. خالد عطبرة في December 7th, 2011 9:36 am

      نحى رجالات الشرطة وكل الذين تم تعيينهم فى مواقعهم الجديدة ونحى كل الذين تم اعفاؤهم ونكرمهم ونعتز بهم بخدمتهم للوطن والتحية لكل الفرقاء واللوءات بسوداننا الحبيب ولكن تعليقا على ماذكر اعلاه بخصوص اللواء الفاتح عباس ابن عطبرة انا لى تعليق احب ان انقله لسعادة مدير عان الشرطة بالسودان ونقول له كنا نتوقع منك قرارا بتعيين اللواء الفاتح عباس فى منصب قيادى كبير بادارة الشرطة ليكون عونا لكم فى مهامكم الامنية لانه رجل كف جدير بالمسئولية ونحن فى عطبرة كلنا نعرف مقدرات اللواء الفاتح عباس فى الشرطة ونتمنى من مدير عام الشرطة بالسودان ان يتستفيد من خبرات هذا الرجل الشهم ابن عطبرة فى ادارة الشرطة بالبلاد

    30. اسامة النور في December 8th, 2011 10:37 am

      التحية لابناء الوطن من افراد الشرطة السودانية جنود وضباط وهولاء جميهم جديرين بالاشادة فلهم منا الف تحية والكمال لله وحده مهما يكن هناك تقصير فى واجبات افراد الشرطة ولكن لقد اثبتوا لنا حبهم لوطنهم السودان – وتعليقا على الاخ خالد من ابناء عطبرة باشادته بسعادة اللواء الفاتح عباس حسن / هذا شى طبيعى فسعادة اللواء الفاتح / شخصية جديرة بالتقدير ونا من ابناء الولاية الشمالية فكان الاخ اللواء مديرا لشرطة الولاية فكان الكل يتحدث عن تواضعه وعن تفهمه لجميع مشاكل الولاية الامنية وعاش معنا فترة اقامة سد مرورى وتوقعنا ترقيته الى رتبة فريق ليكون من ضمن قيادات الشرطة بالسودان ولى سوال اوجه لسعادة مدير عام الشرطة بالسودان لماذا لا تستفيدون من خدمات هذا الرجل الكف فى مساعدتكم فى ادارة شرطة السودان وتعيينه فى منصب قيادى بالشرطة يخدم كل اهالى السودان وبالامس سالنى عن احد الاخوان فقال لى اللواء الفاتح من رجالات الشرطة المخلصين وانه فى ذات مرة منعه مدير مكتبه بالولاية من مقابلته فسمع اللواء الحوار فطلع من مكتبه فقال له اى شخص كان طفل او كبير يرغب فى مقابلتى فباب مكتبى مفتوح للجميع لكل اهل الولاية واهل السودان عامة فتخيلوا رجل يقول هذه الكلمة يستحق التكريم ونحن نقول الى مراتب اعلى انشاء الله اخى اللواء الفاتح والسودان محتاج لامثالك انشاء الله ولا ادرى اين تم نقله سعادة اللواء الفاتح الان بعد الشرطة الامنية ولى رسالة خاصة موجه لسعادة وزير الداخلية اقول له مثل هولاء الابطال نحتاج لهم ليكونوا معكم سندا فى بناء وطنا الفالى السودان والتحية لجميع ابناء الوطن من رجالات الشرطة

    31. عبدالله محمود في December 11th, 2011 8:04 am

      التحية والتقدير لكل جنود وضباط الشرطة البواسل وعلى راسهم سعادة المدير العام للشرطة ونائبه وكل مدراء الادارات المختلفة بشرطة سودانا الحبيب هولاء هم جنود الوطن لهم منا وسام شرف والتحية لكل الذين تمت احالتهم للتقاعد بعد ان خدموا هذا الوطن ويوسفنى ان ننظر للسلبيات او التعليقات التى لا تليق باى فرد من افراد الشرطة وما ذكره بعض الاخوان عن تعليق عن اللواء عابدين الطاهر ونظر الى الجوانب السلبية لاجهزة المرور ولكن لماذا لا ننظر للجوانب الايجايبة التى تمت ابان تولى اللواء عابدين الطاهر ادارة المرور فكم شهدنا من تطور فى انظمة المرور وكاميرات المراقبة وتنظيم الافواج فى المناسبات المحتلفة وكم شهدنا انخفاض الحوادث فى السنوات الاخيرة والمرور السريع والمراقبة كل هذه الجوانب الايجايبة جعلتنا نكون فى قمة من تظور الاداء المرورى فانا احى اللواء عابدين على كل ذلك الانجاز الذى تم فى عهده ويستحق منا التكريم والاشادة واحى اللواء عبدالرحمن حطبة بتسملمه ذمام الامور فى المرور ونقول له الى الامام والى تطور مرتقب بالمزيد فى انظمة المرور واحى كل المدراء لادارات الشرطة الذين تمت احالتهم نقول لهم ما قصرتو وجزاكم الله خير الجزاء بل انشاء الله سوف يكرمكم ابناء السودان تقديرا لكم واقول لكل الذين تم تعيينهم الى مزيد من التقدم والارتقاء بالعمل الشرطى الى الامام وكما اننى اشيدجدا بتعليقات الاخوان عن سعادة اللواء الفاتح عباس فهذا الصناء عليه اقل واجب يقوله الاخوان عنك فانتى ابن البلد الاصيل وانشاء الله نسمع عنه فى مقدمة ادارات الشرطة بالبلاد وفهو رجل مشهود له وبالتاكيد سعادة مدير عام الشرطة ادرى منا باداءه واكرر تحياتى لكل ضباط وجنود الشرطة بكافة ربوع سودانا الحبيب

    32. ياسر محمد عثمان - مدنى في December 13th, 2011 10:24 am

      من منا لا يعرف اللواء الفاتح عباس فهو اذا كان ابن الشمال ونهر النيل وفهو ابن الجزيرة نقول له وفقك الله فى عملك وانشاء الله الى ترقيات اعلى واهلك جميعا من بعد بالباقير والمسيد والكاملين والحصاحيصاالى الجزيرة مدنى بكل ضواحيها والقرى يحييوك كثيرا ونتوقع ترقيتك انشاء الله قريبا الى رتبة فريق باذن الله وشهد شاهد من اهلك لك منذ ان تم تعيينك فى العمل الشرطى فانت اهل للمسئولية والثقة وجدير بالاحترام والاخلاص للوطن وموفق باذن الله وتحياتنا لكل رجال الشرطة الاوفياء المخلصين جميعا

    33. ابو علي في March 31st, 2012 1:16 pm

      دا حرام والله ونسال الله العفو والعافية

      ( لو جلست في بيت أبيك أيهدي لك )

      حرام والله مال الشعب السوداني

    34. الفليل في July 25th, 2013 9:57 pm

      انا شايف الناس تعليقها علي شرطة المرور .فهل الفساد كله مرو؟ ابدا والله فالشرطه عندنا غارقه في الفساد من ساسها لراسها واخطر فساد اقسام الشرطه هو مايسمي بالنظام العام لاه غير الفساد المالي والرشاوي كما الاقسام الاخري فالفساد هنا يمتد ليلحق بأعراض الاسر وكرامة وعزة النساء وبيع للخمور المضبوطه واستغلال النفوذ و و غيره. وذلك كله نتيحة التعيين غير المؤسس لافراد الشرطه ناهيك عن ظباطها فافراد الشرطه يتم تعيينهم دون الرجوع لملفاتهم الجنائيه حيث الواحد قد تكون لديه سوابق جنائيه ويتم غض الطرف عنها وتعيينه وهنا تأتي المصيبه الكبري فمثل هؤلاء لديهم احقاد علي المجتمع واتتهم فرصه لا تعوض للانتقام منه فهم حاليا يملكون السلطه والحمايه والحصانه فيستغلون مايملكون اسواء استغلال وطبعا قادتهم معهم في الحق والباطل والمواطن المسكين لاناصر له منهم فحتي النيابه في صف الظلم فرجل الشرطي يظلمك ويذهب للضابط ويدعي بأنك اعتديت عليه وبدون ائ دليل وبشهادة زور او حتي لا شهاده زور يحكم وكيل النيابه لصالح الشرطه. فكيف لاتفسد الشرطه وبقية اركان ما يدعي بالعداله في صف الفساد والمفسدين .فالقانون في هذه البلاد في اجازه منذ 24 عاما ومازال

    35. kuku في August 11th, 2013 7:24 am

      لا مكان الشرفاء في الشرطة السودانية حيث اصبح الحرامية هم المتولين ذمام الامور (حاميها حراميها)

    36. عزالدين الشريف في August 17th, 2013 8:46 am

      بلاد تحكمها شرطة فاسدة مفسدة لا يمكن ان يحدث فيها تقدم وفي ذلك لا نعمم على افراد وضباط الشرطة ولكن المشكلة اكبر من جهاز الشرطة فقط ولكنها مشكلة نظام كامل لا يمكن ترقيع جهاز او جهة واحدة وترك البقية … الازمة شاملة بكل تاكيد ولذلك لابد من حل شامل ايضا.

    37. الضحك شرطنا في August 21st, 2013 9:54 am

      هههههههههههههههههههههههههههههههههههههههههههه ترشى شرطى فى السودان اسهل من شراب المويةالعسكرى ممكن يترشى بسجارة والضابط بعلبة.وقلتا لى شعارا شنو عين ناعسة ويدلاحسة ياخ انا مرة صاحب لى دخل حراسة فى شيك بحكى قال انو دفع ليهم من اصغر واحد لاكبر واحد لدرجة انة نام فى سرير العسكرى وكان برسلهم يجيبو العشاء والبارد .

    لا تتردد في ترك التعليق...