السبت  19  إبريل  2014
  • من نحن
  • راسلنا
  • اعلن معنا
  • ادعمنا
  • زوجة المشير البشير تشتري منزلاً بـ (6.5) مليون دولار

    May 8, 2011  

    ( حريات  خاص)

    اشترت وداد بابكر زوجة المشير البشير منزل رجل الأعمال الأمين الشيخ مصطفى الأمين بمبلغ ( 6.5) مليون دولار .

    وكان الأمين الشيخ مصطفى قد تعرض لهزات مالية بسبب مديونيات البنوك ، ولم يسمح له بجدولة ديونه مثل المعسرين الآخرين ذوي العلاقات الخاصة بالمؤتمر الوطني ، كجلال الدقير الذي جدولت ديونه البالغة (40) مليون دولار .

    وفي ظل صعوباته المالية تم الضغط على الأمين وسجن لفترة ، وفي السجن طرحت عليه تسوية قبول بيع منزله لوداد بابكر، وحين رفض أول الأمر مارس جهاز الأمن عليه ضغوطاً إضافية فرضخ في نهاية الأمر وباع المنزل لها بمبلغ (6.5) مليون دولار .

    والمنزل قصر فخيم  بمنطقة كافوري وذو إطلالة (ساحرة) على النيل .

    وبعد تصاعد الحديث عن فساد أسرة البشير، ونشر اتهامات أوكامبو بامتلاك البشير لـ (9) مليار دولار يستخدمها في شراء الولاءات السياسية ، وتسليح المليشيات وتنمية ثروات أسرته ، حولت وداد بابكر تسجيل المنزل لاسم جمال الوالي – القيادي في المؤتمر الوطني والمسئول عن إدارة بعض استثمارات أسرة البشير .

    ووداد بابكر من أسرة متواضعة ، توفي عنها زوجها السابق إبراهيم شمس الدين ولم تكن تملك الا بيتاً متواضعا بضواحي الخرطوم ، ولكن بعد زواجها من البشير والتحاقها بالأسرة (المالكة) بدأت تظهر عليها علامات (النعمة) المستجدة ، والمؤكد انها (نعمة) ترتبط بالفساد ، فما من مصدر دخل نزيه يتيح لها شراء منزل بمبلغ 6.5 مليون دولار .

    وتشير هذه الواقعة ، وغيرها ، الى ان فساد الإنقاذ فساد شامل . يرتبط بآيدلوجيتها التي ترى العلاقة بالدولة ومواطنيها كعلاقة غنيمة ، وترى في حزبها الحزب الاسلاموي بدءا جديدا للتاريخ ، في استهانة بالتجربة والحكمة الإنسانية التي طورت كثيراً من النظم والمؤسسات والآليات الكفيلة  بمحاربة الفساد ، إضافة الى كونها سلطة أقلية ، تحكم بمصادرة الديمقراطية وحقوق الإنسان ، وتحطم بالتالي تلك النظم والمؤسسات والآليات اللازمة ، كحرية وسائل الإعلام ، واستقلال القضاء ، ورقابة البرلمان المنتخب انتخابا حراً ونزيهاً .

    وبدون كفالة الديمقراطية وحقوق الإنسان ، فان ما تعلنه الإنقاذ عن مكافحة الفساد ، حتى ولو كان صادقاً ، مجهود عبثي ، لأن البيئة القائمة تفرز الفساد كما تفرز الكبد المادة الصفراوية ، ولذا لا معنى للقبض على مفسد ، في حين تفرخ بيئة الإنقاذ عشرات المفسدين في مكانه ! ولكن الحقيقة ان حملة مكافحة الفساد الحالية لا تعدو كونها حملة علاقات عامة ، وذلك لان أهم مراكز الفساد المركز المرتبط برئيس النظام وإخوانه وشركائهم .

    Share

    التعليقات

    ( التعليقات الواردة تعبر عن رأي كاتبها ولا تعبر عن رأي الصحيفة)

    116 تعليق على “زوجة المشير البشير تشتري منزلاً بـ (6.5) مليون دولار”

    1. الحرامية وقعو في May 8th, 2011 11:44 am

      ناس المؤتمر الوطني ديل خبيثين وحتى ابليس اظنه مندهش وفاتح خشمه وعيونه يعاين ليهم من شدة الدهشة. هم كانو عارفين أن البشير في يوم من الأيام سوف يعمل حركات وينقلب على الفاسدين ويضحي ببعضهم عشان يكسب ليه شوية شعبية وتأييد ويرقص ليهو كم رقصة كده لذلك خططو بخباثة شديدة وادخلو اهل البشير المقربين جدا ليه في زمرة فسادهم وعشان هم اخبث مما تتصورو قامو بكشف فساد أهله لعامة الناس عشان يعملو لأنفسهم درع واقي وكأنهم قالو للبشير أذا فكرت في يوم أن تحاربنا فأبدأ بأهلك أولا، لذلك وقف البشير عاجزا عندما بدأ يمثل ويعمل حركاته ضد الفساد. والكيزان ديل نفوسهم وسخانة ذي أم فتفت وما عندهم دين أو أخلاق تعصمهم من سرقة ونهب بلدنا المنكوبة وهم مشغلون ببناء القصور الجملية وركوب العربات الفخمة وتكديس أرصدتهم في البنوك بالداخل والخارج ولكنهم لن يكتفو ولن يشبعو لأن خزائن البخلاء لا تمتلئ أبدا وهي مثل نار جهنم يقولون لها هل امتلاتي فتقول هل من مزيد. وهم من البداية اختارو البشير ليكون رئيس لانقلابهم العسكري لانهم يعرفون جيدا بأنه مشهور بالكذب وأنه لاتتغير ملامح وجهه أو ترمش عيونه أو يبلع ريقو عندما يكذب ولايحسسك اطلاقا بأنه يكذب ولو تزكرو في بداية انقلابهم كان البشير في خطبه دايما يحلف ويقول بأنهم ما جبهه اسلامية وصدقه الكثير من أهلنا الطيبين لأنه يعرف كيف يجيد الكذب بطريقة لاتخطر بعقل البشر الطبعيين ولكن فضحه الترابي عندما اختلف معه وقال اتفقنا ان يذهب هو للقصر رئيسا وأن اذهب انا للسجن حبيسا، وهذه هي دولتهم بدأت من أول يوم ليها بالكذب الذي نهانا عنه الله سبحانه وتعالى ، والله طيب لايقبل الا طيب وربنا يجعل كيدهم في نحرهم

    2. أبو مروة في May 8th, 2011 11:59 am

      يا أخي والله أسأت لأم فتفت إساءة بالغة جداً، لذا أنا أحتج إنابةً عنها وأطالبك باعتذار يرد لأم فتفت المكلومة إعتبارها.

    3. MahadiMinalla في May 8th, 2011 12:23 pm

      البشير فُتِنَ بالمال والسلطة والنساء !!!!!!!

    4. عمر محمد في May 8th, 2011 12:29 pm

      يا السيدة وداد بابكر زوجة أمير المؤمنين عمر البشير كما تزعمون من أين لك بال الست مليون و نصف حتى تشتري بها هذا القصر؟ هل ورثتها من جدك؟ أم سرقتموه أنت و زوجك من خزينة الدولة؟
      مهلاً أيها الحرامية و مصاصي الدماء سيأتي اليوم الذي تقفون فيه أمام المحكمة كما يقف الآن حسني مبارك و أبنائه و زوجته؟ صبراً أيها الحرامية، صبراً أيها الحرامي!!!!!!

    5. سالمين في May 8th, 2011 12:38 pm

      والله لو هذا صحيح دى تكون جريمة فى حق الوطن ولا يجب السكوت عليه … هذا مال الشعب السودانى البطل … لا بد سيعود كل هذه المنقولات والمملوكات والمشغولات ستعود الينا مهما كلفنا من ثمن

    6. لؤي عبد المحمود العبيد في May 8th, 2011 12:52 pm

      لا حولة ولا قوة إلا بالله
      يا كاتب المقال أتق الله لا يوجد قصر ولا في ماليزيا أو دبي أو واشنطن ولا حتى قصر الامير الوليد بن طلال بهذا المبلغ رجل كيف يكون له قصر بهذه القيمه وهو مدين للبنوك والشيخ مصطفى الأمين متوفي أصلاً كفاية شتل
      الله يأخذ عمركم

    7. امير السوداني في May 8th, 2011 1:00 pm

      حرااااااااااااااااااااااااااااااااااااااااااااااااااميه ميه الميه

    8. محمد نور الشريف في May 8th, 2011 1:15 pm

      ابليس على باب سفارة كندا بالخرطوم

      لمجت ابليس وفى يدة استمارةبقول لة على فين يا .قاللى لى ياهجرة يااعارة ياعم زهجت وكفرت من ناس المؤتمر الوطنى والحكومة الآ قيش معاك سيجارة انا انتهت خلاص لانافع وسواس ولاخناس ولاعيش وسط الناس دى دى عالم مجرمين عندكم فائض فى الفساد بصراحة الواحد خايف على صحتة دة حتى مفيش ضمير اساسا عشان اموتة يعنى انت تعمل انت هاتعمل كل الزنوب لوحدك وانا ابليس اشتغل واعظ ياعم دةانا زمان كنت اسنتى حد ينسى يسى وهو بياكل لقمتة حتىالسماد فى الزارعة عندكم فسد مايش عيش فى البلد دى بقالى ستين وانا عاطل ياعم بقيت اوسوس بالمقلوب اقول للحرامى كفاية انت مش هاتوب.

    9. MahadiMinalla في May 8th, 2011 1:30 pm

      يا لؤي لا حول تكتب هكذا وليس لا حولة – وهذا دليل على إنّكم الدين دا ما شغالين بيهو كتير – بس الدين عندكم للإستعمال عند اللزوم !!!!!!!

    10. ود السودان في May 8th, 2011 1:44 pm

      دا مبلغ بسيط جدا وتكون المصيبة دى شايلاهو فى شنطتا؛مستجدين نعمة لازم يبرطعوا كده طالما انو مافى زول بحاسبم.

    11. هري في May 8th, 2011 2:06 pm

      المسالة مرتبط بتفكير متكامل وليس هذة شخصية لديها كم وذلك ليها كم المعادلة بسيطة جدا دعيني نلقي نظرة الي الاليةالحكم ومنهجيتها وهذا منهجيها هى تدمير كلما جاءت بها الانسانية بعد تجارب مريرة وقاسية الى ان وصل الانسانية الى ما نسمية بتراكم التجريب للفكر في كل جوانب الحياة ولكن هنا نحن بصدد اليات محاربة الفساد فيما يتعلق ب الادارة شان العامة اهم ما وصلت قناعات الانسانية هي الشفافية ومسالة والمحاسبة لكن هنا اناس لا يومنون بهذة الاشياء اوكلمات ثلاثة ليس لاعتقادهم بانها غير مهمة فقط لاعتقادهم او ما يهمس فى تفكيرهم ويقولون اذن لماذا قمنا ب الانقلاب اذا اصلا كنا نومن بهذة الاشياء عندها سالو شيخهم قالو ماذا لديك من تبريرات موازية للشفافية ومسالة ومحاسبة لنتستر بها للصوصية جاءت ب اشياء غريب ومضحك جدا جدا مكاشفة وقوى وامين ومثلا من اصاب لةاجران ومن اخطاء لة اجر اليس غريب واضاف بعدهم خلوها مستوره ومن خلال هذة اللا دبيات يمكن تتفهم مستوة الفساد .

    12. ااااه في May 8th, 2011 2:12 pm

      يا لؤي الوي ضنبك اولا قالوا الامين ولد الشيخ مصطفي الامين ولو ماعارف انو في ارض في توتي ياوهم باعوها بمليار جنيه يعني بالدولار 700 الف دولار خلي قصر دي واطة فاضية افضي عقلك اصلوا فاضي

    13. Arondas في May 8th, 2011 4:02 pm

      لو اصلا اشترته هي تكتبه بأسم الوالي ليه.
      فهمونا دي يا عباقرت الزمان

    14. النصري في May 8th, 2011 5:51 pm

      الشيوعيين الشاطرين نشروا في الميدان ان نميري وزوجته بثينه من اغني عشره اسر في العالم وقالوا عذبنا وجنس قصص وفي المحاكمات طلعوا كذابيين ومات نميري وماعنده حاجه ومازال الشيوعيين في حكاياتهم وقصصهم البلهاء . . . مره مزرعه بعشرين مليون دولار ومره بيت بي سته مليون وبكره حايقولوا اشتري خاصه وبعدها اشتري باخره وشكلهم كده لما البنك الانجليزي نفي والعالم بقي صغير اصبحوا مابيقولوا في قروش بره . . . ياشباب القصه قصه توجه اسلامي وتوجه علماني وشيوعيين شغالين بدون ضمير ومرتزقه باعوا دينهم ووطنهم لاسرائيل . . .

    15. MahadiMinalla في May 8th, 2011 5:57 pm

      توجه إسلامي قال !!!!!!

    16. ابوهريرة في May 8th, 2011 6:09 pm

      المعلومات ده صحيحة وانا متاكد منها من زمان كمان اضيف عليها اسرة الشيخ مصطفي الامين كانت متخوفة من البيع بالعملة الصعبة خوما من النظام الذي لا امان له وبالفعل تمت البيعة وقام بتسليم المبلغ المدعو صلاح قوش واحضر معه مبلغ 500الف دولار سلمها لهم زيادة باعتبارها هدية فوق لي قيمة البيعة

    17. ياسر في May 8th, 2011 6:40 pm

      حكومة الحرامية ينتظركم سجن طرة نهايتكم سوداء والله وبعدين المراء حق عليها تسرق من مال الشعب لانو دة السبب الخلتها التتزوج من البشير لا الراجل دة ما معروف راجل ولا حاجة تاني شكلوووووووو ههههههههههه خلوها كدة

    18. مواطن سوداني في May 8th, 2011 7:13 pm

      انا لو علقتا علي الخبر دا حتحظروني عشان كده مافي داعي الزول يسب للرئيس وكده

    19. sashi في May 8th, 2011 7:30 pm

      يا اخوانا مترسلو لى رقم تلفون المره دى إإإ

    20. الصادق موسي اقار في May 8th, 2011 7:36 pm

      سوف يغيب ظنهم

    21. متسكع في May 8th, 2011 7:47 pm

      يا وداد يا وداد يا وداد مليون سنه

    22. ود الجزيره1 في May 8th, 2011 8:21 pm

      انت شايقى جاهل!! فى قصور تبلغ قيمتها 50مليون دولار

    23. ود الجزيره في May 8th, 2011 8:25 pm

      انت شايقى جاهل!! فى قصور تبلغ قيمتها 50مليون دولار

    24. ود ابراهيم في May 8th, 2011 9:06 pm

      هرى ياخ ردك فضفاض انا ما فهمت منو اى شىء

    25. ود ابراهيم في May 8th, 2011 9:09 pm

      الاستاذة وداد فى يدها القروش خزينة الدولة والفى ايدو القلم طبعا معروف بعمل شنو…..هنيئا لها المال العام الهامل السائب والحساب بجىء يوما ما انشاء الله

    26. ود ابراهيم في May 8th, 2011 9:10 pm

      وليعلم الذين ظلموا اى منقلب ينقلبون…الحساب يوم الحساب

    27. شمالي في May 8th, 2011 10:14 pm

      أبداً يا مهدي…!
      دا إسمو توجه إستلامي
      بس الظاهر التاء خشت في إدغام والله أعلم

    28. شمالي في May 8th, 2011 10:19 pm

      أنت برضو…
      تصدق أنا كنت قايل نفسي الوحيد المُلاحظ للحتة دي
      طمنتني الله يطمنك

    29. حسن خيرى في May 8th, 2011 10:39 pm

      دى لو ما اكلت مين الحتاكل انشاء الله الشعب السودانى
      مااكل والا شرب دى لاذم تامن مستقبل اولادها سواءاكان
      بالفتح او بالنصب دى ماسيدة السودان الاولى دى مازوجة
      الريس خلوها تشبع اذا كفاها اموالنا. انا بشك فى ان الريس
      جعلى لان الجعلى مابكشف زوجته على الرجال وهذا زمانك يامهاذل فامرحى

    30. زينب في May 8th, 2011 10:48 pm

      هي المره دي كانت بتحب الرئيس ده من متين قبل راجلها اموت ولا بعده لان قصة العرس دي ما طولت من راجلها مات . ولا عرستو علي طمع ؟؟؟؟؟؟؟

    31. زينب في May 8th, 2011 10:49 pm

      هي المره دي كانت بتحب الرئيس ده من متين قبل راجلها اموت ولا بعده لان قصة العرس دي ما طولت من راجلها مات . ولا عرستو علي طمع ؟؟؟؟؟؟؟ بس زي مسلسل العشق الممنوع ههههههههههههييييييي

    32. زينب في May 8th, 2011 10:54 pm

      ليها حق تعمل كدي مش بقولوا الضغط بولد انفجار ياخي دي راجلها الاول كان ضاغطها ومكتمها النفس الشارع ما بتشوفوا والعوير ده فتح ليها نفسها واداها براحا تعمل الدايراه

    33. حسن خيرى في May 8th, 2011 11:11 pm

      المره دى قالوا ماقعدت شهور العدة طوالى اتلصقت فى
      الراجل ده والراجل ماكذب كتل الراجل ومامشى كمان
      فى جنازته وهى للله

    34. ود امدرمان في May 9th, 2011 12:22 am

      يا ناس حريات خبطاتكم الصحفيه زى الليل اما انكم اخطر من ال c. i .a او انكم اخطر من نجيب محفوظ الحائز على الاوسكار فى التأليف وانا ارجح الثانيه

    35. سودانية في May 9th, 2011 4:03 am

      نميري فعلا حرامي لكن ربنا سلط عليه حرامية اكبر اكتر منه بثينة ، وده كلام من لسان عيلتهم قالوا بثينة سرقت نميري ولا قايل روضة قايمة وقاعدة علشان بيت ودنوباوي السجمان ، وبعدين انت قايل ستة مليون دولار دي كتيرة علي قصر في كافوري ولا تكون فاكره في الخوجلاب
      والبنك في سويسرا موش انجلترا وفرع انجلترا نفي عشان فعلا في انجلترا مافي حساب لبشبوش ،

    36. زاهر في May 9th, 2011 4:04 am

      بهناك

      وانا بقول جمال الوالى الموظف جاب القروش دي من وين؟

    37. الدرع في May 9th, 2011 5:01 am

      اتقوا الله …. عسي ان تصيبوا قوما بجهاله فتصبحوا علي ما فعلتم نادمين . انا لله وانا اليه راجعون …..

    38. عمر محمد في May 9th, 2011 5:14 am

      هل صحيح يا أخوانا إنو البشير طلق وداد بابكر بعد ما إكتشف إنها هربت (70) مليار جنية إلى قطر كم سمعنا؟ و هل البشير قام بإرجاعها بعد تدخل الأهل؟
      كما نعلم أن السيدة وداد بابكر ترأس جمعية سند خيرية، و قامت بتعيين أخوها مدير للجمعية، و لكن السؤال هو من أين لجمعية خيرية أن تملك مليارات الجنيهات حتى تصرف هذا الصرف البذخي الذي نراه الآن؟ ما هي مصادر دخل هذه الجمعية الخيرية يا السيدة وداد بابكر؟ أم جعلتم جمعية سند الخيرية كغطاء لتبرير نصبكم و إحتيالكم و إكلكم أموال الشعب السوداني يا لصوص و يا حرامية؟

    39. tayfour في May 9th, 2011 5:56 am

      يديك شرو ويكفيك خيرو

      حق الناس كناس ياوداد

      وزي ماقالو السودانيين دار ابوك اكان خربت شيل ليك طوبة ..
      بس ناس الانقاذ بشيلو قصور ؟؟
      لكن طالما الشعب السوداني شايف وعامل رايح همو في الكلام الفاضي والجوال لازم يكون فيه رصيد والبطن مليااااانه خليهم ..
      والله بعد شوية يسرقوا علم السودان زاتو.

    40. مراقب في May 9th, 2011 6:04 am

      جريدة (القعدات) قامت بحذف تعليقى والذى فندت فيه كذبتها أعلاه وقلت أن منزل السيد الأمين الشيخ مصطفى قام بشراء ه وقبل فترة رجل الأعمال المعروف (صلاح إدريس) فى صفقة معلومه ومعروفة للكل فى سوق العقارات !!
      لله درك أخى (مشفق) وأنت تطلق على هذا الموقع إسم (أدبخانات) لأنه فعلا مكب (للقاذورات) ومن أراد أن يقضى (حاجته) ما عليه إلا الدخول هنا !!
      على العموم تعليقى هذا سوف يكون متاحا طيلة هذا اليوم وبعدها سوف يتحلل كما جرت العاده !!

    41. MahadiMinalla في May 9th, 2011 6:31 am

      يتحلل لأنه براز !!!!!!

    42. MahadiMinalla في May 9th, 2011 6:32 am

      قال صلاح ادريس رجل الأعمال المعروف !!!! ومن كان يعرف صلاح ادريس قبل الإنقاذ ؟!!!!

    43. no way في May 9th, 2011 6:37 am

      والله يا طيفور حكاية يسرقوا علم السودان دي لذيذه اتخيلت بسرقوا علم السودان المعلق في سارية القصر الجمهوري

    44. الحاج ابوبكر في May 9th, 2011 6:51 am

      يموت الأسود في الغابات جوعا ولحم الضأن تاكله الكلاب

    45. محمد الفضل الامام في May 9th, 2011 6:59 am

      خلوها تسرق مادى زوجة امير المؤمنين عمر البشير

      وماخفى اعظم والايام حبلى بالمفاجاءت.

    46. ahmed في May 9th, 2011 7:27 am

      يا لؤي انا مصدق الكلام دا عارف ليه ….لاني بعرف لي مسئول حكومي كبير والكبير الله ….وشفتو عايش؟ كيف صرف صرف ولا في الخيال وقدام عيني ما كلام سمعتو ؟؟؟؟…..نثريات واي حاجة دايرة بيشتريها وقتي لانو عندو ميزانية مفتوحة؟؟؟؟ يومها عرفتا انو ناس المؤتمر اللاوطني ديل اكبر لصوص على وجه الارض والكلام البتقال فيهم كلو صاح حرامية وخونة غدارين.

    47. الكلس في May 9th, 2011 8:15 am

      قال عنها صاحبنا ( إنها حمراء الدمن )
      قلنا له و ما حمراء الدمن ؟؟؟
      قال ( الحسـناء التى تـتــقـلب فى أحضـان الطـغاة )

    48. عبدالعليم في May 9th, 2011 8:31 am

      الحاجه المعروفه قبل اغتيال شمس الدين ، بان ناس الجريف غرب اهدوه قطعة ارض بأخر محطة بالشيطه بد مدرسة طحنون وبالقرب من بيت المحافظ جوار المقابر وبني له بالعون الذاتي ومن ثم اكتمل الدار وبجانبه شيد مسجد …. وبحكم علاقتي باهل الجريف شرق فمعظمهم وقعوا في شرك الجبهة القوميه وكانوا الداعميين الاساسيين للانقاذ بدايتها وقدموا شبابهم للموت بالجنوب وعلى رأسهم ابو دجانه … وكان زعيم الكيزان بتلك المنطقه المدعو ” الامين أحمد الشايقي ” الشهير بالامين أبوعوه وقد عين بدرجة وزير بالاتحاد التعاوني . فهو يدرى جيدا كم كانت تملك .

    49. مراقب في May 9th, 2011 8:41 am

      هو لو ما (براز) بيكبوا فى (أدبخانات) !!

      لكن إنت عفارم عليك شايفك ممسكنك (رسوم) قضاء (الحاجة) فى (الأدبخانات) !!

      كل ما زول يقضى (حاجته) يلقاك (جنبو) مادى إيدك !!
      يا هو (شبهك) وياهو (مكانك) !!

    50. مواطن في May 9th, 2011 8:48 am

      الشعب يريد محاسبة وداد

    51. مراقب في May 9th, 2011 8:50 am

      صلاح إدريس (جده) المك نمر !!
      إنت (جدك) منو ؟؟

      أما (الإنقاذ) فدى كبيرة عليك !!
      أسعل منها (إمامك) !!
      يمكن يفيدك !!
      فهو أعلم (ببواطنها) منك يا (تلميذ) !!

    52. مراقب في May 9th, 2011 9:07 am

      كدى خليها هى !!
      لأنها ما متداخله معانا هنا !!
      وخليك إنت صريحة معانا وورينا هل عشتى هذه التجربه وحبيتى (راجل) وإنتى فى (عصمة) راجل تانى ؟؟

    53. مراقب في May 9th, 2011 9:19 am

      وإنتى موقعك وين !!
      ضاغطنك ومكتمنك النفس !!
      والله فاكنك !!
      غايتو من (ألفاظك) الظاهرعليك من الفئة الثانية !!

    54. مراقب في May 9th, 2011 9:26 am

      رجال آخر الزمان !!
      الطالقين مشهادهم !!
      وبقى كلامهم حساب عدة (شهور) النسوان !!
      قمة (المناضلة ) وقمة (النضال) !!

      يا حليل (الرجالة) ويا حليل (الرجال) !!

    55. مراقب في May 9th, 2011 9:51 am

      يا ياسر !!
      أريتو (أمك) اليوم (داك) أكان نامت (ساكت) !!
      أما (أبوك) !!

      بس هو لو إنت كان عندك (أبو) وإنت من (ضهره) بتنضم النضمى الزى دا !!

    56. حسام في May 9th, 2011 9:51 am

      هل سمعتم بمجمع في الكلاكلة اللفة اسمو (مجمع الرشيد موسى)؟ هنالك شائعة قوية تقول ان صاحبة هذا المجمع هي زوجة امير المؤمنين الثانية.

    57. محاسن محمد ابراهيم في May 9th, 2011 10:50 am

      خارج النص
      انا شايفة مافي داعي تظلمو ابليس معاكم لانو من الاجحاف في حق ابليس لو قلنا نشبهو با الكيزان
      اما بخصوص السرقة
      فهم ربنا يكون في عونم

    58. MahadiMinalla في May 9th, 2011 11:09 am

      المك نمر الذي هرب ؟!!!!!

    59. MahadiMinalla في May 9th, 2011 11:11 am

      لله درُّكَ يا شمالي .

    60. MahadiMinalla في May 9th, 2011 11:13 am

      مراقب خليك مؤدب ، وللا دي أصلها يا ها أخلاقكم يا زبالة يا حثالة .

    61. MahadiMinalla في May 9th, 2011 11:15 am

      كدي يا جماعة ما تشوفو لينا المرة الأولى دي عندها شنو – معقول تكون طالعة من المولد بدون حمّص ؟!!!!!!

    62. مراقب في May 9th, 2011 12:51 pm

      قلت ليا (المك نمر) الذى هرب !!
      ما قلنا ليك هرب بعد ما أخد حقه بيده !!
      زول ضربوه (بكدوس) ولع الناروحرق (الضربه) !!
      الكلام الناس الكانت مزعمه و(الجكت) من عصير بدرى وما أخدت حقها ولا ولعت نار إن شاء الله تسوي بيها (كباية) شاى ساكت !!

      هو (المك نمر) الزيك إنت (بيطاله) !!
      إنت ما سمعت دى :-
      نمرا يركب الكيك البطل يتحرن
      نمرا يقلب العوق ام صفوفا جرن
      خلوات صدرو فى علوم الحروب كم قرن
      سيفو بينسف الدرع الحديدو مقرن

      والله ما سمعت دى :-
      ما نمر الشدر حاضن فروعو مقيل
      ده النمر البضاير الصف محل ما يميل
      كل ما اقول شكر القاهو فيهو قليل
      كفو بيخجل العين السحابها منيل

    63. Ali Abdelgawwi في May 9th, 2011 1:21 pm

      يا ود الجزيرة
      بس وريني عرفت لؤي دا شايقي كيف؟ من كتابته ما ظاهر انه شايقي زي الجعلي المراقب فوق داك.
      و الله مرات تخلوا الزول يحس انه غبي، براحة علينا يا جماعة

    64. ahmed في May 9th, 2011 1:29 pm

      ههههههههههههههه سرقة لي اموال الشعب عيني عينك وتقول اتقو الله ….من وين ليها 6.5 مليون دولار؟؟؟؟
      وارثاها؟ من رأسماليين الخرطوم؟ نحنا عارفنها كانت بتعوس الكسرة فوق الدوكة لي شمس الدين

    65. Ali Abdelgawwi في May 9th, 2011 1:34 pm

      يا مراقب
      خليك محترم و قول رأيك بدون اساءة للذين تتواصل معهم حتى لو دافعين ناس المؤتمر الوطني مفروض تعكس صورة جميلة عنهم مش القذارة القاعد ترسل فيها دي، و لا الناس حا تتجاهلك و ما حا ترد عليك، و خلي المواجهة البتتكلم عنها و التروجل لمن يجي وقته ساعتها اركز و ما تمشي المتمة الاثيوبية

    66. ahmed في May 9th, 2011 1:35 pm

      انشاء الله بالساحق والماحق والبلا المتلاحق…..انشاء الله يتسكن بي جن ويتحرق ما تفضل فيه طوبة…..انشاء يجي زلزال بس تحت البيت دا ويهبدوا يخلي دخان بس …..انشاء الله تكون تحتو فجوة تخسفو لي اعماق الارض حيث صخور اللافا البتسيح كل حاجة.

    67. Ali Abdelgawwi في May 9th, 2011 1:43 pm

      لا لا لا يا مواطن
      ليه الغلط دا؟ وداد ذنبها شنو؟ عينك في الفيل تطعن في ضلوا؟. عليكم بابو جاعورة الكذاب فهو من فتح لها خزائن البلد و يحميها

    68. MahadiMinalla في May 9th, 2011 2:39 pm

      عليكم الله الكيزان الفضايح ديل في زول بجاريهم في ساقط القول ؟!!!!!عفنين وكل مايصدر عنهم عفن ! أعوذ بالله من الكوز إذا حكم وإذا كلّم واذا إنتقم .

    69. MahadiMinalla في May 9th, 2011 2:41 pm

      مراقب ما جعلي مجوعل !!!!

    70. ahmed في May 9th, 2011 2:53 pm

      المك نمر جد البشير المسمين عليه الشارع الجرابو

    71. ahmed في May 9th, 2011 2:55 pm

      دا اسمه( جعلتي= متلصق في الجعليين)

    72. ahmed في May 9th, 2011 3:00 pm

      مش اخير من شرطتكم الباطلة البتكفت الدكتورات وناس جهاز امنكم الباطلين البيحرسوا النسوان جمب بيوتهم ويغتصبو البنات؟؟؟؟ّ!!!!!!!

    73. MahadiMinalla في May 9th, 2011 3:33 pm

      إنت يا مراقب الكلام دا في المك نمر الهرب ولا في مكاً تاني ؟!!!! – أصلو المِكُوك كتار المك نمر الأول وهذا الذي هرب ، المك نمر التاني ، المك نمر التالت:
      أسماءُ مملكةٍ في غير موضعِها
      كالهرِ يحكي إنتفاخاً صولةَ الأسدِ

    74. شمالي في May 9th, 2011 4:09 pm

      الشيء السمعناهو قالوا عندها منظمتين واحدة فيهم اسمها (حسن الخاتمة)
      أها دي شغالة لبع تقيل وعمارات وخبط في ناس الأوقاف
      ومفيش حد يفتح بؤو (بالمصري)
      لكن برضو ما تفتيحة زي وداد بابكر
      بيني وبينك وزي ما إنت عارف موديلات الستينات ما زي موديل 2010
      وللا ما كدا يا مهدي

    75. MahadiMinalla في May 9th, 2011 8:21 pm

      يا ايها الرجل المعلم غيره ***هل لنفسك كان ذا التعليم

    76. khaled في May 10th, 2011 12:04 am

      الناس البقولو مافى بيت بالسعر دا مواهيم ساكت انا عن نفسى بايع لى دكان 3*2.5 قبل سنتين فى سوق ليبيا بى 1 مليار و300 مليون سودانى بالكاش يعنى المواهيم البقولو مافى ديل ناس مكاتب ساكت ….قومو ليففو بالله ….

    77. MahadiMinalla في May 10th, 2011 4:55 am

      لك التحية يا شمالي – لازم يكون في فرق مودييييييييييييل !!!!!!!!!

    78. عمر محمد في May 10th, 2011 5:29 am

      ذكر أحد الإخوة المقيمين في ماليزيا قبل حوالي ثلاثة أشهر أن وداد بابكر ذهبت إلى ماليزيا و أثناء تجولها في السوق دخلت أحد المحال التجارية و إشترت ثياب سهرة ب(25) ألف دولار.
      تخيلوا وداد بابكر تشتري ثياب من دكان واحد بخمسة و عشرين ألف دولار؟ ماذا تفعل بهذه الثياب يا مستجدة النعمة؟ هل إنت ناقصك ثياب يا وداد بابكر؟ و لا قلتي خلاص دي فرصتي في الدنيا دي نستمتع بيها ذي ما عايزة و ما يهم إن كانت الخمسة و عشرين ألف دولار دي منهوبة من مال الشعب السوداني؟ هل الأولى أن تشتري ثياب بخمسة و عشرين ألف دولار يا مرة أمير المؤمنين؟؟؟؟؟ أم أن الأولى أن تذهب هذه الأموال لشراء دواء الملاريا للفقراء الذين لا يملك أحدهم مية جنية عشان يشتري بيهو دواء للملاريا فيموت؟
      يا وداد إنت و زوجك آخرتكم سودة فإستعدوا لها، و الله يمهل و لا يهمل.

    79. مراقب في May 10th, 2011 5:58 am

      يا زول هوووى يا البيقولوا ليك (على) !!
      يا أبقى محايد وقدم نصائحك للناس كلها أو أنطم وأسكت عشان ما ينطبق قول الشاعر :- برز الثعلب يوما فى ثياب الواعظينا !!
      يا عاين بعيونك وبس !!
      عيونك بالتقددها !!
      كدى أرجع لأي تعليق لى شوفه لو ما هو رد على إساءة وبذاءة أسوى وأعفن منه والله لا !!

    80. tayfour في May 10th, 2011 5:59 am

      ياباشا
      العلم المعلق في سارية القصر دة مزور.
      الاصلي لفحوه زماااااااااااااااان
      والله العسكري ابريشة البرة جنب الباب ده زاتو ما اصلي

    81. الدرع في May 10th, 2011 6:07 am

      هناك ظاهرة غريبة علي المجتمع السوداني …. الحسد .. الحسد علي كل شي ….. لو شافو واحد عندو قروش يقولوا اكيد حرامي ……… ياخي خلو الخلق للخالق .

      مافي اي موقع في السودان بهذا المبلغ حتي لو برج الفاتح ؟؟ و ما اي خبر نسمعوا نسلم به لدينا عقول وليس كلبهائم ننساق وراء المقرضين والكذابين !!

      ياليت يكون هناك نقد بناء لكل ماهو سئ لكي نكون عالم متحضر … بعيد عن الحكومة نحن كشعب حتي نصل لرؤية مفادها لا يصح لا الصحيح .

      أنا اعرف هناك من يقوم من الصباح يلعن في الحكومة
      !!! علما بأنه عاطل عن العمل ويشكو من الفقر والفساد في الحكومة وينظر لهذا في ما اعطاء الله من بيت وسيارة ويقول اكيد دا حرامي او مؤتمر وطني … علما بأنه لم يسعي … او يعمل عمل هامشي ولا يبحث للاحسن والافضل .

      احدهم يعمل اعمال حرة رزق اليوم باليوم . ورث ستين مليون . تم نصحه بأستثمار البلغ في ثلاثة امجاد علي ان يكون متابع تحركاتهم ويكون انفتحت له ابواب رزق جديدة وتحسين وضع لم يكن يحلم به . وفعلا تم شراء امجادات ولكن للاسف تغيرت طباعه واتبع الهلث واهمل السائقين وفي النهاية باع كل شئ ورجع لعمله البسيط !!! وعند سؤاله ليييييييه كدا قال الله يلعن ابو الحكومة ضيعت الشعب السوداني كلوا ما تضيعني أنا ؟؟؟؟ مثال بسيط جدا للعجز وقلة الحيلة

    82. مراقب في May 10th, 2011 6:32 am

      الجاهل الجهلول MahadiMinalla !!

      تدعى العلم والمعرفة وإمتلاك المكتبات وأنت أبعد ما تكون من ذلك !!
      أنت ورجرجتك تشككون فى (الأنساب) لأنكم من بقايا الجاهلية والجهلاء !!
      الم تسمعوا بالحديث الوارد في صحيح مسلم من حديث أبي مالك الأشعري قول النبي صلى الله عليه وسلم : “أربع في أمتي من أمر الجاهلية لا يتركوهن الفخر في الأحساب و(الطعن في الأنساب) والاستسقاء بالنجوم والنياحة”.

      رجرجة وجهل !!
      أحشفاء وسوء كيلة !!

    83. مراقب في May 10th, 2011 6:44 am

      يا أحمد خضر !!
      إنت آخر من يتحدث عن (البطالة) و(الباطلين) !!
      ما تخلينا (نفتو) !!

    84. Ali Abdelgawwi في May 10th, 2011 6:48 am

      يا مراقب
      كل الناس البتعلق دي بتقول رأيها في وداد و لا اي زول موضع خبر، و ما اعتقد علقوا عليك في شئ، انت بترد نيابة عن وداد او البشير او اي شخصية عامة ليه؟ انت وداد و لا ابوها و لا اخوها و لا ود عمها؟ البشير علاقتك بيهو شنو؟ اذا انت مكلف بالرد و عندك توكيل منهم قول لينا عشان نحفظ ليك حقك في قول ما تشاء من بذاءات

    85. مراقب في May 10th, 2011 6:49 am

      يا الكلس !!
      من إسلوبك !!
      إنت واحده من إتنين !!
      يا (السين) دى كانت (باء) !!
      يا (اللام) البين (الكاف) و(السين) زايدة !!

    86. ahmed في May 10th, 2011 7:36 am

      حكومة الجبهجية ****الرصاص والبندقية
      امك القالو الهدية****جابتك للناس ازية

      الله يعجل بي نهايتكم يا كيزان يا خونة يا صهاينة يا ماسونيين يا اوسخ واحقر مخاليق الارض .

    87. ahmed في May 10th, 2011 7:54 am

      والله يا درع النفاق والدجل نحنا عارفين كويس ساسة المؤتمر ديل كانو شنو قبل سرقتهم للحكم في 89 …نمسكهم من الاول بالنسبة لي عمر البشير عندو بس بيت كوبر ساكن فيه مع امو ….اسي بيت امو بقى قصر ومحروس بي 4 دبابات …اما الاب حسن البشير فكان غفير لي مدرسة …..اما وداد بابكر زوجة المرحوم شمس الدين كانت ما عندها شي غير تعوس الكسرة في الدوكة في راكوبة حارة تعب ومعانة شديدة…..اما علي عثمان فكان ابوه غفير جنينة الحيوان…عشان كدا حقد عليها وكسرها…..فا ما من المنطقي الناس ديل يكونو وارثين…يبقى هم شنو (حرااااااااااااااااامية ) ودا ما حسد دا حقنا كلنا (الشعب السوداني)
      اما اذا كان في شوية حسد دا بسبب الزكاة النهبتوها وما وصلت لي مستحقنها في ديوان الزكاة الفاسد وغيره من المنظمات الفاسدة كمنظمة الشهيد

    88. محمد أحمد في May 10th, 2011 7:58 am

      من أين لكِ هذا ياجربوعـــة ، وايش رايك يا عمر البشير في هذا النوع من الفســـــاد؟

    89. مراقب في May 10th, 2011 8:16 am

      إتخيلوا واحد بسأل سؤال زى دا !!
      البشيرعلاقتك بيهو شنو؟
      البشير رئيسى ورئيسك ورئيس البلد كلها ورمز عزتها وتاج رأسها وولى أمرى وولى أمرك وولى أمركل السودانيين الراضين والمابين شاء فيهم من شاء وأبى فيهم من أبى !!
      ووداد دى زوجة (البشير) ولى أمرى وولى أمرك وولى أمر كل السودانيين وسيدة السودان الأولى !!
      فى رابطة أوثق من كده !
      أضف الى أنه لا تلمنى فيما لا أملك !!
      حب كده لله وفى الله !!

    90. أبو الديم في May 10th, 2011 8:21 am

      ناس الإنقاذ لا علاقة لهم بالإسلام ولم ولن يستطيعوا تطبيقه لأنهم غير مؤهلين أخلاقيا للإلتزام بمنهجه ومبادئه(وسوف يرونه قريبا).

    91. blackeagles في May 10th, 2011 8:24 am

      والله ما اطن لكن الكلام دا لو صح بكرة انا بعبي للمظاهرات

    92. مراقب في May 10th, 2011 8:50 am

      (الكلب) لما (ينقرطوله) بهز(ضنبه) !!

      جوع (كلبك) يتبعك !!

    93. مراقب في May 10th, 2011 8:55 am

      كلام (المشاطات) بجيبنه (المشاطات) !!
      أكان من (ماليزيا) والله من (الولايات) !!

    94. مراقب في May 10th, 2011 9:11 am

      *أَمْ يَحْسُدُونَ النّاسَ عَلَىَ مَآ آتَاهُمُ اللّهُ مِن فَضْلِهِ فَقَدْ آتَيْنَآ آلَ إِبْرَاهِيمَ الْكِتَابَ وَالْحِكْمَةَ وَآتَيْنَاهُمْ مّلْكاً عَظِيماً *

      صدق الله العظيم .

      بل هو حسد وحسد (أسود) من قلب (أسود) !!
      قال أيه خفير (مدرسه) وخفير (جنينه) !!
      أين العيب فى ذلك يا (حاسد) !!

      دعك من هؤلاء وأنظر فى تاريخ أغنى أغنياء العالم وشوفهم كانوا أيه وبقوا أيه !!

      عين (الحسود) فيها (عود) !!
      و الحسود لا يسود !!

    95. عمر محمد في May 10th, 2011 9:18 am

      ما مشاطات و لا حاجة ، الكلام ده صحيح و مؤكد و لو داير نوريك إسم الدكان الإشترت منه الثياب عشان تسألهم بنفسك و تتأكد من صحة أنها إشترت ثياب سهرة بخمسة و عشرين ألف دولار.

    96. MahadiMinalla في May 10th, 2011 11:28 am

      ورمز عزتها وتاج رأسها – قال !!!!!!

    97. MahadiMinalla في May 10th, 2011 11:34 am

      يكون تأثر بالحيوانات المتوحشة من صغره ولذلك نزعت منه الرحمة !!!!!!!

    98. MahadiMinalla في May 10th, 2011 11:35 am

      أبو الديم لله درُّكَ .

    99. دانيلا في May 10th, 2011 12:42 pm

      ولي امرك براك ، انحنا اولياء امورنا الولدونا ، وسيدة عليك براك انحنا ما لينا اسياد ، انحنا احرار احرار احرار لا يملك علينا سوي مالك الملك وحده الله جل جلاله فاااااااااااااااااااااااااااااااااااهم
      البشير رئيس بلدنا فقط ولاغير ،،،

    100. شمالي في May 10th, 2011 6:50 pm

      إقتباس من كلام مراقب:
      (الكلب) لما (ينقرطوله) بهز(ضنبه) !!

      جوع (كلبك) يتبعك !!
      ==============
      صحي والله
      في دي صدقت
      هادا إنت أقرب مثال لهز الضنب
      إن شاء الله تكون ما طولت في حكاية متابعتهم دي
      لأنها مرهقة

    101. كووووووووووز في May 10th, 2011 8:03 pm

      شنو يعني وداد اشترت بيت بي ستة مليون دولار عادي ما اهي مرت رئيسنا وحبيبنا تستاهل انشاء الله قدم الهنا والسعد عليها ينفعا
      اما فلول الشيوعيين والعلمانين فاليموتو بغيظهم والتهرى اكبادهم .

    102. ريم المتوكل في May 10th, 2011 9:26 pm

      وداد دي البشير اتمقلب فيها مقلب كبييير، عامل تفتيحا قال أكتل راجلها و اتزوجها، زوجها الأول الله يرحموا كان زي الأسد ما مديها فرصة تلبس توب زي النسوان، شان كدي ما جابت سيرة للمؤامرة المات فيها المرحوم الأهبل راجلها، قالت الدنيا قصيرة، إتزوجت البشير، وزي النمر الفكوه من القفص: سعرانة تآكل ماشا و راجعة (باك آند فورس). يأأخي دي زولة جيعانة و جاية من ماضي لا يرحم الفقير، لذا مكبلة بثقافة القرش الابيض لليوم الأسود. هذا اليوم الأسود الذي يقبع مخيلة أمثال هؤلاء بأقبح الأحتمالات. وداد لن تتوقف عن السرقة: و لا يستطيع حد إيقافها لأنها ساكتة على مؤامرة موت زوجها:
      السكوت الذي بموجبه فقدنا حلايب نفقد بموجبه ثرواتنا.

    103. ftat albld في May 10th, 2011 10:52 pm

      walay ana shayfa eno fi 7agig bta3t fsad mafi zol bgdr ygal6 fiha fenta ma ta7ol tankor eno bladna di fasda mn akbr zol fiha li a9gr zool ldrjt eno e7na na7tl almrtba 3 fi alfsad dolin mn mnzmat 3almia ma liha da5l ba2y mn alklam albtgoolo ns2l allah an y9l7 bladna lkn alinkar ma bfidk bshy o 7ago tgool klmt al7ag l2nk ms2l youm algyama

    104. ftat albld في May 10th, 2011 11:11 pm

      ll2saf alshdeed mn 5lal mtab3ti llkam almojod fi al5abr mn mragb o ashabho ho so2 allafz o al7ja eno alnas badt,,,ya5i frdn eno alnas nabzook enta zatk ma amir mo2mnink ma btrod 3aliom blmstoa alwa6i bta3k da alma btrd biho ftat lil???
      rabna amrk bkida rad alesa2a bl2sa2a wain o alkathmin algiz o al3afin 3an alnas?? ya5i a9l7 7alk o binta mogfk mn al7koma flnfrd enk moali ll7koma o lwli amrk da ma bdik al7ag enk tgal6 alnas fi 7agig ay zol fi al3alm 3arfa o 7sabat basi6a 7asi nag3od boraga o glm na7sba o na3rf algl6an mno?? fa ana shayfa eno ta7trm nafsk o ttklm b2db 3shan allah hy7asbk 3ala kol klma lo enta 3aml fiha mmthl lldin flo sam7ta ma tsi2 lldin bt9fratk almshina…

    105. monaali في May 11th, 2011 10:37 am

      يا وداد يا اختى سمعنا بالضواحى طرف المدائن ما سمعنا بالضواحى كافورى طوالى مقدرة يا وداد

    106. Norista في May 12th, 2011 12:13 am

      إن شاء الله يجيها وجع بطن ووجع قلب ،، وشلل في الدماغ ،، يارب بقيها زي شارون لا حياة لاموت ،، ولا في النص كمان ،،
      ياخوانا أدعوا وقولوا آمين ،، نحن مظلومين، ربنا يستجيب لدعانا،،
      إن شاءالله البشير ده يجيهو سرطان زي الجا لي أيلا ،، بس يكون في المخ ،،
      قولوا آآميين،،
      والوهمي الإسمو مراقب ولا خرا ده، حايطلعني كافر عشان الكلام ده،،

    107. ادم دريدي علي في May 12th, 2011 9:12 am

      ما تتكلم عن الماسونية لانك كدة بتشيل اصبعك وتتطعن بيه عينك انتم معروفين تبع منو كلمة الماسونيه بتخلي شيخنا الضحاك الكلام ينخلع لمن بلابيطو تقع اوعك تاني تجيب سيرة الماسونية دي لانك كدة بتضرب قذائف تدك من نمولي لي كرنوي وحتي المنشية ….. خليك مؤدب مع الشيوخ الضحاكين المتضاحكين ههههههه يعني نحن هههههه وسوف يتداعي الههههههه وهههههههه وسيداتي سادتي كنم مع الشيخ المتضاحك المتلولو المتزحزح يمنة ويسره

    108. مراقب في May 12th, 2011 9:31 am

      يا أحمد خضر !!
      يا وهم يا موهوم !!
      هسع عليك الله Norista دى السميت نفسك بيها عارف معناها وعارفها بترمز لشنو !!
      لكن (أبشرك) ياها شبهك وياها مكانك !!
      اللون (الأسود) والحقد (الاسود) والقلب (الأسود) !!
      آل (Norista) آل !!

    109. Norista في May 12th, 2011 10:44 am

      إنت يامراقب ولا خرا ده ،، أحمد خضر في عينك ياخبيث ،، أنا نورستا وإسمي محمد نور ،، يعني ياحمار إنت ،، شوف أحمد بتاعك ده غادي غادي،،
      وبعدين إنتو أصلآ ناس عشان يتدسوا منكم؟؟ ياصعاليق ياحرامية،، يا “طالع ومطلوع،،إنتو،،
      ياآآآوسخين ياسجم،،
      ولأنك خبيث تفتكر أي زول خبيث زيك يآآآآوهم،،
      وأخيرآ طز فيك وفي وداد وفي راجلك وراجل وداد،،
      أنا ماعارف البشير ده متزوج وداد ولا متزوج مراقب ده،،

    110. MahadiMinalla في May 13th, 2011 10:13 am

      مراقب دا ما ياهو وداد زاته.

    111. Mouawia Khater في May 17th, 2011 8:42 am

      ليس بقريب على الشعب السوداني وليس بجديد انما انا ارها في حكومة المؤتمر الوطني تحليلا لي دين الله ويل للذين يكنوزا الذهب والفضة ان كيف بشرهم الله اكثر من ذلك الجمعيات الانسانية تحولات الى ربحية حدث بلاحرج معاوية خاطر

    112. محمدطلب في October 1st, 2011 3:37 pm

      كانت تسكن الدخينات ورفضت فكرة الزواج بعد ابرهيم وزفوها للسيد الرئيس بالغصب

    113. الترس في April 15th, 2012 9:24 am

      اتقو الله واعلمو انكم سوف تحاسبون بما تقولون ( وهل يكب الناس علي رؤسهم الامن حصاد السنتهم ) كما جاء في معني الحديث – واذا صدق كما تزعمون فلهم رب يمهل ولايهمل الم تقرأوا حديث النميمة والغيبة – فلاتشهرو بخلق الله واقصد زينب وحسن خيري لقد تحدثتم عن هذه السيدة بكلام لايصدر عن مسلم ام انتم غير ذلك – فنسأل لكم الهداية

    114. ابوالقاسم اسحق في September 14th, 2012 7:20 pm

      واللة البنعرفة فى السودان انة جدودنا الفور بكسوة الكعبة وعندنا ابار على وولدنا التعايشى ماخدم لية اجنبى حتى ينضرب بغليون هاك الحبشة دى ياخدم الانج………….

    115. ابوالقاسم اسحق في September 14th, 2012 7:33 pm

      اها ياياناس الجرى من الاتراك وباع ولد عمة فى النخيلة للانجليز ياشعب ياطيب انتو غير يسرقوكم ويبعيوا ارضكم راجين حاجة اخاف انة انتو الشعب السودانى اتباع ومنتظرين التسلىم اما للقطريين اوابادة للجنجويد

    116. Asosa في September 15th, 2012 6:17 am

      يا مراقب كفاية مكابرة .. اصلو المكابرة ده هي الرجعتنا لوراء وخلتنا متخلفين ..

      زول هرب بجلدو في ساعة حرب وخلى ناسو وأهلو وحريمهم الربنا ولاهو عليهم للتركي المغتصب عشان يسوي فيهم الدايرو .. عايز تكابر فيهو تقول شنو .. الشعر الأوردتو في مشكارو ده كلو شعر مضروب وكاذب .. لأنو الزول الكيك .. بقيف بدافع عن أرضو وعرضو وحريمو لغاية ما يموت مش بشرد .. وهسع عمر البشير السراق ده برضو ما هارب من عدالة المحكمة الدولية زي جدو ..

      معظم اللي سرقوا مال الشعب السوداني هم من عيلة المك نمر الهارب بتاعك ده ..

    لا تتردد في ترك التعليق...